Mataio 4:13 - Tokelauan New Testament

¹³ E hēki nofo i Nahaleta kae kua fano oi nofo i Kapenaumi, he tamā kakai i tafa o te Vaitūloto ko Kalilaia, i te kogāfenua o Hepulona ma Nafatali.

Mataio 4:13 Referans Kwoze

Ioane 4:46

Oi toe fano ai ia Iehu ki Kana i Kalilaia, ki te mea na ia fakaliu uaina ai nā vai. Nae i Kapenaumi he tino ofiha o te mālō, ko tona ataliki nae tauale.

Maleko 1:21

Kua taunuku atu ki lātou ki Kapenaumi, ma i te Hāpati na hohoko ai, na fano ai ia Iehu ki te hūnako ma akoako atu ki tagata.

Mataio 11:23

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei.

Ioane 6:59

Na lea ia Iehu i nā mea iēnei, i tana akoakoga nae fai i loto o te hūnako i Kapenaumi.

Ioane 6:24

Kae i te kitea atuga e nā tino ko Iehu kua hē i kinā vēnā foki ma ona hoko, oi toe hohopo ai ki luga o nā vaka, ma kua olo ki Kapenaumi oi hakili ia Iehu.

Ioane 6:17

kua hohopo ki luga o he vaka, oi olo ai ki tētahi itū o te vai agai ki Kapenaumi. Kua pō ifo lava kae ko hēki hau lava ia Iehu ki a te ki lātou.

Ioane 2:12

Kua uma te mea tēnei, oi olo ai ia Iehu ma tona mātua, ona uho, ma ona hoko ki Kapenaumi, oi nonofo ai i kinā mo ni nai aho.

Mataio 17:24

Kua taunuku atu ia Iehu ma ono hoko ki Kapenaumi, oi ōmai ai nā aolāfoga mo te Mālumalu ki a Petelu ma lea vē ki ei, “E totogi nei he lāfoga mo te Mālumalu a te faiakoga o koe?”

Luka 4:23

Kua lea atu ia Iehu ki a te ki lātou, “E hē taumate ka koutou fai maia ki a te au te alagākupu tēnei, ‘Te fomai, mua fakamālōlō lava koe e koe!’ Ka lea mai foki koutou, ‘Fai foki i kinei i tō nuku, nā mea na fakalogo ki mātou na fai e koe i Kapenaumi.’ ”

Mataio 4:14

Na tupu te mea tēnei ke taunuku ai te kupu a te pelofeta ko Ihaia,

Mataio 4:15

“Te fenua o Hepulona ma te fenua o Nafatali, i te auala ki te tai, i tētahi itū o te Iolitana, Kalilaia te fenua e nonofo ai ia tagata nukukehe!

Mataio 9:1

Kua hopo ia Iehu ki te vaka, kua toe foki ki tona nuku i tētahi itū o te vaitūloto.

Maleko 2:1

Kua teka atu ni aho, oi toe foki ai ia Iehu ki Kapenaumi, kua halalau foki te tala ko Iehu kua i tona kāiga.

Luka 10:15

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Hēai, ko koe ka togi ki lalo ki Heoli!”