Mataio 3:5 - Tokelauan New Testament

⁵ Kua gāholo mai ki a te ia nā tino mai Ieluhalema ma te itūmālō uma o Iutea, vēnā foki ma nā kogāfenua uma e tafapili ki te vaitafe ko te Iolitana.

Mataio 3:5 Referans Kwoze

Maleko 1:5

Oi gāholo atu ai ki ei ia tagata mai nā itūmālō uma o Iutea, vēnā foki ma nā tino uma o Ieluhalema. Kua tōlaulau atu a lātou agahala, oi papatiho ai ki lātou e ia, i loto o te vaitafe ko te Iolitana.

Ioane 5:35

Ko Ioane nae vē ko he mōlī e mumū ma huhulu atu, ma nae fiafia koutou i he vāitaimi, ki tona mālamalama.

Ioane 3:23

Nae fai foki te papatihoga a Ioane i Ainona, e hē mamao ma Haleimi, auā e lahi lele te vai i kinā. Nae holo atu nā tino ki a te ia, ma na papatiho ai ki lātou e ia.

Luka 16:16

“Ko nā Tūlāfono a Mohe ma nā tuhituhiga a te kau pelofeta, nae fakaaogā lava ke pa ki nā aho o Ioane te Papatiho; na kāmata mai i te taimi tēnā, te folafolaga o te Tala Lelei e uiga ki te Mālō o te Atua, ma kua taumafai ia tagata uma ke olo fakamālohi ki te mea e pule ai te Atua.

Luka 3:7

Oi lea atu ai ia Ioane ki te kaifenua e tokalahi na ōmamai ke papatiho ki lātou e ia, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tāli pa mai?

Mataio 4:25

Ma na mulimuli ki a te ia ni kaifenua e tokalahi mai Kalilaia, mai nā Kakai e Hefulu, mai Ieluhalema ma Iutea, vēnā ma te kogāfenua i tētahi itū o te Iolitana.

Mataio 2:1

Na fānau mai ia Iehu i te kakai ko Peteleema i Iutea, i nā aho o te nofoakiga a te tupu ko Helota. E hēki mataloa talu te fānau mai o Iehu, kae taunuku ifo ki Ieluhalema ni taulelea hukehuke ki nā fetu, na ōmamai i he fenua i Hahae

Luka 3:3

Oi fano ai ia Ioane ki nā kogāfenua uma e pili ki te Vaitafe ko te Iolitana, oi folafola atu ki tagata, kua lea vē atu, “Liliu kehe mai autou agahala ma papatihogia ke iloa ai ko koutou kua halamō moni, oi fakamāgalo ai e te Atua autou agahala.”