Mataio 28:9 - Tokelauan New Testament

⁹ Kae nā lava e teki kua fetaui ki lāua ma Iehu, oi vāgana atu ai ia Iehu, “Ke ia te koulua te fīlēmū.” Oi olo ai ki lāua ki a Iehu, kua paki ki ona vae ma ifo atu ki a te ia.

Mataio 28:9 Referans Kwoze

Mataio 28:17

I te ki lātou kiteaga o Iehu, oi ifo atu ai ki lātou ki ei, e ui lava nae i ei nā tino o ki lātou nae māhalohalo.

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Ioane 20:28

Kua tali atu ia Toma ki a te ia, “Toku Aliki ma toku Atua!”

Luka 24:52

Kua vīkia e ki lātou ia Iehu, oi toe foki ai ki Ieluhalema, kua fakatumulia i te fiafia lahi,

Ioane 12:3

Oi kave ai e Malia ni lolo manogi taugatā pe ko te nato mamā, kua liligi ki nā vae o Iehu oi holo ai i tona laulu. Ko te manogi manaia o nā lolo kua fakatumulia ai te fale kātoa.

Luka 7:38

Oi fano ai kua tū i tua i tafa o nā vae o Iehu, kua tagi ma fakahuhū nā vae o Iehu i ona loimata. Oi holo ai e ia nā vae o Iehu i tona laulu ma hogi ki ei, ma liligi ki luga nā lolo manogi taugatā.

Fakaaliga 3:9

Kikila, ko nā tino o Hātani, nā tino talapepelo e lea ko ki lātou ni Iutaia kae e hē ni Iutaia; ka kō kaumaia ki lātou ke tōtutuli pūnonou ki mua o outou vae. Ka iloa uma e ki lātou ko au e alofa atu ki a te koutou.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

Ioane 20:19

I te pō o te aho lava tēnā, te pō o te aho Hā, na potopoto ai te kau hoko i loto fale kae loka te faitotoka, auā e mātataku i nā takitaki o Iutaia. Oi hau ai ia Iehu oi tū i te mea e i ei ai ki lātou, ma vāgana vē mai, “Ke ia te koutou te fīlēmū.”

Luka 1:28

Kua fanatu te agelu ki te mea e i ei ia Malia, oi lea vē atu ai ki ei, “Tālofa ni te māfine, tē kua alofagia e te Atua. Ko te Aliki e fakatahi ma koe!”

Mataio 23:7

e fofou foki ke fakafeiloaki aloakia ake ki lātou e tagata i nā māketi, ma ke takua ki lātou ni ‘Faiakoga.’

Mataio 28:8

Oi olo kehe vave ai loa ki lāua mai te tugamau ma te mātataku, kae na fakatumulia foki ki lāua i te fiafia lahi, ma kua fētutuli oi taku ki ona hoko.

Mataio 28:10

Kua vāgana atu ia Iehu, “Koulua nahe mātataku. Olo oi lea ki oku uho ke olo ki Kalilaia, ma ka ki lātou kitea au i kinā.”