Mataio 27:23 - Tokelauan New Testament

²³ Kae kua fehili atu ia Pilato, “Aiheā, ko he holitūlāfono ā ta ia kua fai?” Oi kāmata ai taukalalaga leo lahi ki lātou: “Fakahātaulo te tino tēnā!”

Mataio 27:23 Referans Kwoze

Gāluega 7:57

Kua taukekē nā tino o te Taupulega ma pupuni o lātou taliga i o lātou lima. Oi taufai tūtaoho fakatahi atu loa ki lātou,

Gāluega 23:10

Kua matuā fakalalahi lele na fīnauga, ma na popole lele te takitakikau nā ia Paulo e hae likilikiagia. Ko te mea ia na ia fakatonua ai ana fitafita, ke olo ki lalo oi kave kehe mai ia Paulo, ma kave ki te olo.

Mataio 27:22

“Ko he ā la te tatau ke kō faia ki a Iehu, tēia e takua ko te Mehia?” kua fehili vēnā atu ia Pilato. Kua tali mai ki lātou, “Fakahātaulo te tino tēnā!”

Mataio 27:24

I te kiteaga e Pilato kua hē aogā ke fakaauau pea, ona ko tagata kua tau hē mafai ke tāofiofi, oi tago ai ki nā vai kua fafano ai ona lima i mua o te kaifenua ma lea vē atu, “E mamā au ma te toto o te tagata tēnei! E a koutou lava te mea tēnei!”

Luka 23:4

Oi lea atu ai ia Pilato ki nā ohitāulaga hili ma te kaifenua, “E hēai he mea e kō kitea e tatau ai ke fakahala te tino tēnei.”

Gāluega 13:28

Ma e ui lava e hēki ki lātou maua he mea na tatau ke fakahala ai ia Iehu i te oti, kae na lea lava ki a Pilato ke tāmate ia Iehu.