Mataio 26:43 - Tokelauan New Testament

⁴³ Kua toe liliu ia Iehu ki ona hoko ma na ia maua atu e momoe; kua hē mafai lava ke pupula o lātou mata i te fia momoea.

Mataio 26:43 Referans Kwoze

Luka 9:32

Ko Petelu ma ona hoa nae momoe mate; kae i te fealaga, na ki lātou kitea atu te mamalu o Iehu, ma nā tamāloa e toka lua e tutū mai ma ia.

Loma 13:1

Ke uhitaki ia tagata uma tau tokatahi ki nā tūlāfono fakatemālō, auā e hē mafai ke i ei he mālō kāfai e hē finagalo ki ei te Atua, ma ko nā mālō e tutū nei, na tuku ki ei e te Atua.

Gāluega 20:9

Nae i ei he taumalo e igoa ki a Eutuko nae nofo i te famalama, ma e fai lava la te tautalaga a Paulo, ka kua kāmata oi tulemoe ma na iku lava na moe. Oi pakū ifo ai mai te fogāfale tolu ki te kelekele, ma e hiki ake e ki lātou kua oti.

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Mataio 26:44

Oi toe tukua ai foki e ia ki lātou kae fano oi tatalo, ma ko te fakatolu tēnei o taimi na tatalo ai, ma na fakaaogā e ia nā kupu lava na tatalo ai muamua.