Mataio 26:18 - Tokelauan New Testament

¹⁸ Kua lea atu ia Iehu ki a te ki lātou, “Olo ki he tamāloa i te kakai ma lea vē ki ei: ‘Lea mai te Faiakoga, Ko toku taimi kua pa mai; ko oku hoko ma au ka oatu mo te Kaiga Fakamanatu o te Pāheka i tō fale.’ ”

Mataio 26:18 Referans Kwoze

Ioane 7:6

Kua vāgana atu ia Iehu ki a te ki lātou, “Ko te taimi o oku ko hēki pa mai. Kae ko koutou, ho he taimi lava e lelei mo koutou.

Ioane 17:1

Kua uma te lea atu o Iehu i te mea iēnei, oi kikila ake ai ki te lagi ma lea vē, “Te Tamana, kua pa mai te itūlā. Fakailoa ko te mamalu o te Ataliki, kae ke fakailoa ai e te Ataliki te mamalu o koe.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 7:30

Oi taumafai ai ki lātou ke puke ia Iehu, kae e hēki i ei he tino na pa ki ei tona lima, auā ko tona taimi ko hēki pa mai.

Ioane 7:8

Olo koutou ki te Kaiga Fakamanatu. Ko au e hē fano auā ko hēki pa ki te taimi hako mo au.”

Ioane 12:23

Kua tali mai ia Iehu ki a te ki lātou, “Kua pa mai te itūlā e fakatū ake ai te Ataliki o te Tagata ki tona mamalu.

Luka 22:53

I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Ioane 11:28

Kua uma te lea vēnā o Mafa, oi toe liliu ai ki tona uho ko Malia, ma lea mālie atu ki ei, “Ko te Faiakoga kua i kinei, ma e fia kikila ki a te koe.”

Maleko 5:35

Ka koi tautala vēnei atu ia Iehu, kae taunuku mai ni kavefekau mai te fale o Iāilo, ma kua lea vē atu ki lātou ki a Iāilo, “Ko tō afafine kua oti. He ā la te toe fakalavelave tauanoa ai ki te Faiakoga?”

Mataio 26:2

“E vē ona koutou iloa, toe lua ia aho oi pa ki te Kaiga Fakamanatu o te Pāheka, ma ko te Ataliki o te Tagata ka tuku atu ke fakahātaulo.”

Mataio 23:10

Ke vēnā foki ona hē takua lele koutou ni ‘Takitaki,’ auā e fokotahi oioti lava te koutou takitaki ko te Mehia.

Mataio 23:8

Kae ko koutou e hē takua lele ni ‘Faiakoga,’ auā e tutuha uma koutou, ma e fokotahi oioti lava te koutou Faiakoga.

Mataio 21:3

Ma kāfai he tino e fehili atu oi lea ki ei, ‘Ko te Aliki e fofou mai ki ei’; ma ka ia tuku vave atua ki a te koulua ke kaumai.”

Ioane 20:16

Kua vāgana atu ia Iehu ki a te ia, “Malia!” Kua fakahaga tonu atu ia Malia ki a te ia ma lea vē atu ki ei i te gagana Epelu, “Lāponi.” (Ko tona uiga “Te Faiakoga.”)

Mataio 26:49

Oi havali hako atu ai loa ia Iuta ki a Iehu ma lea vē atu ki ei, “Mālō ni te Faiakoga!” ma hogi atu ki ei.

Mataio 26:19

Oi fai ai e nā hoko e vē ona fakatonu ai ki lātou e Iehu, ma na ki lātou hāunia ai loa te kaiga o te Pāheka.