Mataio 24:43 - Tokelauan New Testament

⁴³ Ka na he mea na iloa e te tino e o ia te fale te taimi e hau ai te tino kaihohoa, e mautinoa lelei lava e hēki moe lele, ma hē ia tukua he avanoa ke kaihohoa ai tona fale.

Mataio 24:43 Referans Kwoze

Luka 12:39

Ma e mautinoa lelei lava ka na he mea na iloa e te tino e o ia te fale te taimi e hau ai te tino kaihohoa, e hē ia tukua he avanoa ke kaihohoa ai tona fale.

Mataio 24:44

Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.

Mataio 20:11

Kua kave o lātou totogi ka kua kāmata oi mūimui e ki lātou te faitōvine.

Mataio 14:25

I te va o te tolu ki te ono i te vaveao, na fanaifo ai ia Iehu ki nā hoko o ia, e havali i luga o te kilitai.

Mataio 24:42

“Koutou la ke mataala, auā e hē koutou iloa pe ko he ā te aho ka hau ai te koutou Aliki.

Mataio 25:10

Oi olo ai nā tautiti vālelea oi fakatau mai a lātou huāū; ma i te taimi tēnā na olo ai, kae taunuku mai loa te tama fakaipoipo. Ko nā tautiti e toka lima nae nofo hāuni, kua olo ma ia ki loto ki te kaiga o te fakaipoipoga ma na tapuni ai loa te faitotoka.

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Maleko 6:48

Kua ia kitea atu te fītatā o ona hoko i te tau aloga o to lātou vaka, ona ko te matagi e hau tonu lava i te muāvaka. I te va o te tolu ki te ono i te vaveao, na fanaifo ai ia Iehu ki nā hoko o ia, e havali i luga o te kilitai. Na fofou ke ia fakahaoa te vaka,

Maleko 13:35

Koutou la ke mataala, auā e hē koutou iloa pe hau āfea te matai e o ia te fale — pe hau i te afiafipō, pe ko te tūlua o pō, pe ko te hēki tafa mai o te ata, pe ko te hopo ake o te la.

Luka 12:38

Amutia nā kaukauna kāfai e maua mai e te matai e nofo hāuni, e tuha lava pe pa mai i te tūlua o te pō, pe ko te vaveao.

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Fakaaliga 3:3

Ke manatua la nā mea na akoako atu ai koutou, ma nā mea na fakalogo koutou ki ei; uhitaki ki ei ma liliu kehe mai autou agahala. Kāfai koutou ka hē āla ki luga, ko au ka fanatu ki a te koutou e vē he tino kaihohoa, ma ka hē koutou iloa te taimi e fanatu ai au.

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”