Mataio 22:21 - Tokelauan New Testament

²¹ Kua tali mai ki lātou, “E o Kaihala.” Oi lea atu ai ia Iehu ki a te ki lātou, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.”

Mataio 22:21 Referans Kwoze

Loma 13:7

Totogi la nā tupe e nofo kaitālafu ai koutou ki ei; totogi ki ei nā itūkāigā lāfoga uma e tatau ke koutou totōgia, ma kavatu ki a te ki lātou uma te fakaaloalo ma te āva e tatau ai.

Gāluega 4:19

Ka kua tali atu ia Petelu ma Ioane, “E tatau ke fuafua e koutou pe ko tēfea te mea e hako i te kikila a te Atua — pe ko te uhitaki atu ki a te koutou, pe ko te uhitaki ki te Atua.

Mataio 22:37

Kua tali atu ia Iehu, “ ‘Alofa ki te Aliki tō Atua ma tō loto kātoa, ma tō agaga kātoa ma tō māfaufau kātoa.’

Luka 23:2

ma ko kinā na kāmata ai oi mōlia e ki lātou ia Iehu ki a Pilato. Kua lea vē atu ki lātou, “Na maua e ki mātou te tino tēnei, e fakahehē e ia o mātou tagata. Na lea ki ei ke nahe totōgia a lātou lāfoga ki a Kaihala, ma ko ia ko te Mehia, ko he tupu.”

Gāluega 5:29

Oi tali vē atu ai ia Petelu ma nā apohitolo ki ei, “Ko ki mātou e tatau ke uhitaki ki te Atua kae hē ki tagata.”

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Mataio 22:20

oi fehili atu ai ia Iehu ki a te ki lātou, “E o ai te ata ma te igoa e tuhi ai?”

Maleko 12:17

Oi lea atu ai ia Iehu, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.” Na ofo lele ki lātou ki a Iehu.

Luka 20:25

Oi lea atu ia Iehu, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.”