Mataio 21:21 - Tokelauan New Testament

²¹ Kae kua tali atu ia Iehu, “E lea atu au ki a te koutou, kāfai koutou e talitonu ma hē māhalohalo, e mafai e koutou oi fai te mea na fai e au ki te mati. E hē gata i tēnā, e mafai foki e koutou oi lea atu ki te mauga tēnei, ‘Fakamahiki ma togi ki loto o te tai,’ ma ka vēnā lava ona fai.

Mataio 21:21 Referans Kwoze

Iakopo 1:6

Kāfai koutou e tatalo, e tatau koutou ke talitonu ma nahe i ei lele he māhalohalo. Auā ko te tino e māhalohalo, e fakatuha ia ki he galu o te moana e fetolifaki holo e te matagi.

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

Mataio 8:12

Kae ko nā tino e tatau ke i loto i te Mālō, ka togi ki fafo ki te pōuli, ki te mea ka lauē ma katigū ai o lātou nifo.”

Mataio 21:20

Kua kitea e nā hoko te mea tēnei, oi ofo lahi lele ai ki lātou ma lea vē, “Na mafai vēhea nei ke vave mamago ma mate te mati?”

Mataio 14:29

“Hau la!” kua tali mai ia Iehu. Oi tū ifo ai loa lava ia Petelu ki lalo mai te vaka kua kāmata oi havali ki a Iehu i luga o te kilitai.