Mataio 21:19 - Tokelauan New Testament

¹⁹ Kua ia kitea atu he mati i tafa o te auala, oi fano ai ki ei; kae kua nā ko nā lau oioti te i ei. Oi lea vē ai ki te lākau, “Ko koe e hē toe fua lele.” I te taimi lava tēnā na mamago ai ma mate te mati.

Mataio 21:19 Referans Kwoze

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

Ioane 15:6

Ko nā tino e hē tūmau to lātou tahi ia te au, e togi kehe e vē ko he lālā ma mamago ai; ko nā lālā vēnei e fakaputu ma togi ki loto o te afi ma mu ai.

Luka 3:9

Ke pa foki lava nei, ko te toki kua hāuni ke ta ki lalo nā lākau i nā aka; ko nā lākau uma la e hē fua mai ai ni fua lelei, e ta ki lalo oi togi ki te afi.”

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Maleko 11:14

Oi lea atu loa ia Iehu ki te mati, “E hēai lele he tino e toe kai ki he fuāmati mai ia te koe!” Ma na lagona e ona hoko tana kupu tēnei.

Fakaaliga 22:11

Ko te tino e kino e tatau ke fai pea e ia nā mea e kino, ma ko te tino e ia te ia ni manatu kelekelea e tatau ke tūmau pea ia i nā manatu kelekelea; ko te tino e lelei e tatau ke fai pea lava ona uiga lelei, ma ko te tino e paia e tatau ke tūmau pea i tona paia.”

Iuta 1:12

E hē matamumuli ma e kakai fakaatuatuvale, ma e vē ki lātou ni mea kelekelea i nā taimi e kakai ai koutou; e hē fia tōkakaga ki iētahi tino kae kikila ifo lava ki lātou ki a te ki lātou lava. E vē ki lātou ko nā ao e pūhia i te matagi, kae e hē maua ai he ua. E vē ko nā lākau e hē fua i te taimi e fua ai ia lākau; nā lākau kua taheki kātoa ki luga ma nā aka ma kua mamate kātoa.

2 Timoteo 3:5

ka tāofi mau ki lātou ki nā auala e fakatino ai te tātou talitonuga, kae e hē talitonu ki te mana o te talitonuga.

Mataio 21:20

Kua kitea e nā hoko te mea tēnei, oi ofo lahi lele ai ki lātou ma lea vē, “Na mafai vēhea nei ke vave mamago ma mate te mati?”

Maleko 11:20

I te taeaopō o te aho na hohoko ai, e havavali atu i te auala kae ki lātou kitea te mati kua mate kātoa ke pa ki nā aka.