Mataio 2:23 - Tokelauan New Testament

²³ ma nofo ai i te kakai e igoa ko Nahaleta. Na taunuku ai te kupu a nā pelofeta: “Ka fakaigoa ia ko he ha-Nahaleta.”

Mataio 2:23 Referans Kwoze

Maleko 1:24

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe — ko koe ko te kavefekau paia a te Atua!”

Mataio 26:71

Oi fano ai ia Petelu ki te faitotoka o te lōtoā, kae hau tētahi kaukauna fafine ma kua ia kitea ia Petelu, oi lea vē ai kinā tino nae tutū i kinā, “Ko te tino tēia nae fakatahi ma Iehu te Nahaleta.”

Mataio 1:22

Na tutupu nā mea uma iēnei ke taunuku ai te kupu a te Aliki na ala mai i te pelofeta,

Gāluega 24:5

Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Ioane 19:19

Na fakatonu foki e Pilato ke tuhi he fakaaliga ma tuku ki luga o te hātaulo. Ko te fakaaliga e vēnei, “Iehu te Nahaleta, te Tupu o Tagata Iutaia.”

Ioane 18:7

Kua toe fehili atu ia Iehu ki a te ki lātou, “Ko ai ta koutou e hakili?” Kua lea mai ki lātou, “Ko Iehu te Nahaleta.”

Ioane 18:5

Kua tali mai ki lātou, “Ko Iehu te Nahaleta.” Oi lea atu ai ia Iehu, “Ko au tēnei” Ko Iuta te fakalata, e tutū fakatahi mai ma ki lātou.

Luka 2:39

Kua uma te fakataunuku e Iohefa ma Malia nā mea uma nae tatau ke ki lā faia e tuha ai ma te Tūlāfono a te Aliki, oi toe foki ai ki to lā nuku ko Nahaleta i Kalilaia.

Luka 1:26

I te ono o māhina talu te faitama o Elihapeta, na uga atu ai e te Atua te agelu ko Kapelielu, ki he koga i Kalilaia e igoa ki a Nahaleta,

Mataio 21:11

“Ko te pelofeta tēnei ko Iehu, mai Nahaleta i Kalilaia,” kua tali vē mai te kaifenua na ōmamai fakatahi ma Iehu.

Maleko 1:9

Ko nā aho lava iēnā, na hau ai ia Iehu mai Nahaleta i Kalilaia, oi papatiho ai e Ioane i te vaitafe ko te Iolitana.

Luka 18:37

Kua tali atu nā tino ki ei, “Ko Iehu te Nahaleta e kui ake i te auala.”