Mataio 2:11 - Tokelauan New Testament

¹¹ Kua ulu atu ki lātou ki loto o te fale, oi kitea ai e ki lātou te tamaiti ma tona mātua ko Malia. Na tōtutuli ai loa ki lātou ki lalo kua ifo ki ei. Kua tōake foki ki luga a lātou meaalofa ko te aulo, ko te pulu lipano ma te pulu mulo, kua tuku atu ki a te ia.

Mataio 2:11 Referans Kwoze

Luka 2:16

Oi olo fakavave ai nā leoleomāmoe, ma na ki lātou maua atu ia Malia ma Iohefa, ma te pepe e takoto i loto o te kumete fāgaimanu.

Mataio 2:2

ma na fehili vē ki lātou, “Tēfea te pepe kua fānau mai ke kavea ma tupu o tagata Iutaia? Na kitea e ki mātou tona fetu i te oho akega i hahae, oi ko ki mātou kua ōmamai ke ifo ki ei.”

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.

Mataio 14:33

Oi ifo atu ai ki a Iehu nā hoko o ia nae i luga o te vaka ma lea vē atu ki ei, “E moni lava ko koe ko te Ataliki o te Atua.”

Fakaaliga 5:8

I te kave kehega e ia, oi fakapakukū ai ki lalo nā meaola e fa ma nā toeaina e lua hefulufa, ki mua o te Punuamāmoe. E tofu nā toeaina ma te kītala ma te ipuloloto aulo e tumu i nā meamanogi fakamū, ko nā mea iēnei ko nā tatalo iēnā a tagata o te Atua.

Luka 2:38

Ko te taimi tonu foki lava tēnā na taunuku atu ai te pelofeta fafine tēnei ki te Mālumalu, ma kāmata oi viviki ake ki te Atua ma fakailoa atu e uiga ki te pepe, kinā tino nae fakatalitali ki te Atua ke ia fakahaolotoa ia Ieluhalema.

Mataio 1:18

Ko te tala tēnei ki te fānau maiga o Iehu Keliho. Ko tona mātua ko Malia, na fakamau ke nonofo ma Iohefa. Ka ko hēki nonofo ki lāua, kae kua iloa e Malia ko ia kua to i te mana o te Agaga Paia.

Mataio 2:10

I te kiteaga e ki lātou o te fetu, na fiafia lahi lele ai ki lātou.

Mataio 12:46

Koi tautala ia Iehu ki nā tino kae taunuku mai tona mātua ma ona uho. Kua tutū atu ki lātou i fafo kae kave te lātou faifekau ki a Iehu ko ki lātou e fia faitala ake ki a te ia.

Ioane 19:39

Ko Nikotemo foki, tēia na fano muamua oi kikila ia Iehu i te pō, na olo ma Iohefa, ma na ia kavea e tuha ma te tolu hefulu kilo mea manogi na gaohia i nā lākau ko te mulo ma te aloe.