Mataio 18:10 - Tokelauan New Testament

^10-11 “Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 18:10 Referans Kwoze

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Luka 16:22

“Kua oti te tino mativa, oi kave ai e nā agelu ke nofo i tafa o Apelaamo, i te kaiga i te lagi. Kua oti foki te tamāloa maukoloa, oi tanu ai;

Mataio 24:31

Ka ili lahi te pu, ma uga atu ai e ia ana agelu, ma ka ki lātou fakamāopoopo maia nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Luka 1:19

Kua tali mai te agelu, “Ko au ko Kapelielu. Ko au ko he kaukauna fakapitoa e a te Atua. Ko au na uga mai e te Atua ke tautala atu ki a te koe, ma fakailoa atu te tala lelei tēnei.

Mataio 18:14

E vēnā foki lava oi hē fofou te koutou Tamana i te lagi ke galo hētahi o ki lātou nei e tamaiti.

Mataio 18:6

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma fakagoto ai ke malemu i te moana loloto.

Mataio 2:19

Kae i te otiga o Helota, na fakaali ai he agelu a te Atua ki a Iohefa i he miti i Aikupito

Mataio 2:13

Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Mataio 1:20

Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

1 Kolinito 11:22

E hēai nei ni fale mo koutou lava ke kakai ma inu ai koutou? Pe ko koutou e inoino ki te Ekalehia a te Atua, ma fofou koutou ke fakamahiahi nā tino mātitiva? Ka vēhea atu nei au? Ka fakamālō atu nei au ki a te koutou? Hēai! E hē faia e au he mea vēnā!

1 Kolinito 16:11

Nahe tino lele e faikino ki ei, kae e tatau ke fehoahoani koutou ki ei oi fakaauau tana malaga i te fīlēmū, kae ke toe fōki mai ai ki a te au; auā ko au e fakatalitali atu ke toe ōmamai ma iētahi uho Kelihiano.

Loma 14:10

Ko koutou la iēnā e kakai oioti ki nā fuālakau fatoaga — he ā te fakamahino atu ai koutou ki iētahi tino Kelihiano? Ma ko koutou iēnā e kakai ki ho he mea — he ā te faitio tauanoa ai koutou ki iētahi uho Kelihiano? Ko ki tātou uma lele ka tutū i mua o te Atua ke fakamahino e ia.

Gāluega 27:23

Auā ko anapō na hau ai he agelu a te Atua, tē e a ia au, ma e tāpuaki au ki ei

Gāluega 12:23

Ko te taimi lava tēnā na fakatauale ai ia Helota e te agelu, ona kua hē ia kavea te vīkiga ki te Atua. Kua kai tona tino e anufe ma na mate ai.

Gāluega 12:15

Kua lea atu ki lātou ki ei, “Ko tō māfaufau e vē e hē lelei!” Kae kua viga lava te kaukauna ko he mea moni te lea ake ai ia. Oi tali vē atu ai ki lātou ki ei, “Ko te agelu la o ia!”

Gāluega 10:3

E tuha ko te tolu i te afiafi kae ia kitea manino i he fakaaliga, he agelu a te Atua kua ulu mai ki te fale oi lea vē ake ki a te ia, “Konelio!”

Gāluega 5:19

Kae i te pō, na hau ai he agelu a te Aliki oi tatala nā faitotoka o te falepuipui ma takitaki te kau apohitolo ki fafo, oi lea vē atu ai te agelu ki a te ki lātou,

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

Loma 14:21

E hako te hē kakai ki nā kanofi o nā manuvaefa, te hē inu ki te uaina, pe ko te fai o he mea e tau tevateva ai ho uho ia Keliho.

Fakaaliga 8:2

Oi kō kitea atu ai nā agelu e toka fitu e tutū i mua o te Atua ma na fōki ki a te ki lātou nā pu e fitu.

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.

2 Kolinito 10:10

Auā ko iētahi o koutou e lea vē, “Te loloto ma te mālolohi o nā tuhi a Paulo, kae kāfai e i kinei ma ki tātou, te vāivai ma te hēai o he uiga o ana kupu!”

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

Luka 10:16

Kua vāgana atu ia Iehu ki ona hoko, “Ko ai lava e fakalogo atu ki a te koutou, e fakalogo mai foki ki a te au; ko ai lava e teteke ki a te koutou, e teteke mai foki ki a te au; ma ko ai lava e teteke mai ki a te au, e teteke foki ki tē na ia uga maia au.”

Mataio 12:20

Ka hē ia honafaia nā tino vāivai, pe fakahāuā kinā tino kua hēai he fakamoemoe. Ka ia faia pea lava te mea tēnei ke pa lava ki te taimi e talia ai e tagata uma te fakaolataga e kō tuku atua ki a te ki lātou,

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.