Mataio 16:23 - Tokelauan New Testament

²³ Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

Mataio 16:23 Referans Kwoze

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

Kolohe 3:2

Fakafano pea lava outou māfaufau ki nā mea i te lagi, kae e hē ki nā mea i te lalolagi.

Maleko 8:33

Kae kua māfuli atu ia Iehu ki ona tua, ma ia kitea atu ona hoko. Oi tautala mālohi ai ki a Petelu, kua lea vē atu ki ei, “Hātani, fano kehe koe ma au! Auā ko ō manatu e hē mai te Atua, kae ni manatu fakatetagata!”

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Ioane 6:70

Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

Luka 4:8

Kua tali mai ia Iehu, “E lea mai te tuhituhiga paia, ‘Ifo atu ki te Aliki tō Atua, ma kaukauna oioti ki a te ia!’ ”

Loma 14:13

Ko te mea ia, keina fakauma loa te fakamahino atu o tētahi ki tētahi. Kae e tatau ke tonu loa i tō māfaufau ke nahe toe faia lele e koe he mea ke tau tevateva ai ho uho ia Keliho, pe pakū ai foki ki te agahala.

Loma 14:21

E hako te hē kakai ki nā kanofi o nā manuvaefa, te hē inu ki te uaina, pe ko te fai o he mea e tau tevateva ai ho uho ia Keliho.

Mataio 18:7

Hāloa te lalolagi ona e i ei nā mea e tutupu ke fakaohooho ai ia tagata ki te agahala! Ko nā mea iēnei e tatau lava ke tutupu — kae hāloa la te tino e māfua ai iēnei mea!

Mataio 16:22

Oi tataki kehe ai e Petelu ia Iehu, ma kāmata oi tautala mālohi ki ei, kua lea vē atu, “Te Aliki, ke alofa te Atua ke nahe pa lele koe ki he mea vēnā!”