Mataio 16:14 - Tokelauan New Testament

¹⁴ Kua tali mai te kau hoko, “Ko iētahi tino e lea ko koe ko Ioane te Papatiho, ko iētahi e lea ko koe ko Elia, ma iētahi e lea ko koe ko Ielemia pe ko hētahi o te kau pelofeta.”

Mataio 16:14 Referans Kwoze

Maleko 6:15

Kae ko iētahi kua lea vē, “Ko Elia tēnei.” Ka ko iētahi kua lea vē, “He pelofeta tēnei, e vē lava ko nā pelofeta i nā aho kua leva.”

Mataio 14:2

Oi lea vē atu ai ki ana kaukauna, “Ko Ioane te Papatiho tēnei kua toe ola mai; ko te mea ia e ia mafaia ai oi fai nā vāvega.”

Ioane 9:17

Oi toe fehili ai foki te kau Falehaio ki te tamāloa, “He ā hau fakamatalaga e mafai ke fai e uiga ki te tino e lea koe na ia fakapupulagia ō mata?” “Ko te tino ko he pelofeta,” kua tali atu te tamāloa.

Ioane 7:12

Kua tautalatala muhumuhu te tokalahi o nā tino, e uiga ki a Iehu. Kua lea vē iētahi, “Ko Iehu he tino lelei,” kae lea iētahi, “Hēai, e fakahehē e ia ia tagata.”

Luka 9:8

Ko iētahi tino na lea vēia ko Elia kua hau, kae ko iētahi kua lea ko hētahi o nā pelofeta i nā aho kua leva, kua toe ola mai.

Maleko 8:28

Kua tali mai ki lātou, “Ko Ioane te Papatiho; kae ko iētahi tino e lea ko koe ko Elia, ka ko iētahi e lea ko koe he tino lava e o te kau pelofeta.”

Mataio 17:10

Oi fehili ai nā hoko ki a Iehu, kua lea vē atu, “He ā te lea ai nā faiakoga o te Tūlāfono e tatau ke mua hau ia Elia?”

Ioane 1:21

“Ko ai la koe?” kua fehili vē mai ki lātou. “Ko koe nei ko Elia?” “Hēai, e hē ko au,” kua tali atu ia Ioane. “Ko koe nei la ko te Pelofeta?” kua lea mai ki lātou. “Hēai,” kua tali atu ia Ioane.

Mataio 3:1

I nā aho iēnā, na fano ai ia Ioane te Papatiho ki te vao o Iutea, kua kāmata oi fai ai tana tālakiga.

Mataio 16:15

Kua lea atu ia Iehu ki a te ki lātou, “Kae e vēhea ake la koutou? E lea koutou ko ai au?”