Mataio 13:57 - Tokelauan New Testament

⁵⁷ Ko te mea ia na teteke ai e ki lātou ia Iehu. Kae kua vāgana atu ia Iehu ki a te ki lātou, “E mamalu te pelofeta i ho he mea, kae vaganā ai i loto o tona nuku, ma loto o tona kāiga.”

Mataio 13:57 Referans Kwoze

Ioane 4:44

Auā ko Iehu lava te na lea, “E hē mamalu he pelofeta i tona lava nuku.”

Mataio 11:6

Amutia nā tino e hē māhalohalo mai ki a te au!”

Luka 4:24

Oi toe lea atu ai ia Iehu, “E takutino atu e au ki a te koutou te meamoni, e hēai he pelofeta e talia i tona lava nuku.

Ioane 6:61

E hēki lea he tino ki a Iehu, ka kua uma te ia iloa o te mea e mūimui ai ki lātou. Oi lea atu ai ki a te ki lātou, “Ko koutou nei ka fakavāivai ona ko te mea tēnei?

Ioane 6:42

Kua lea vē ki lātou, “E hē ko Iehu tēnei te ataliki o Iohefa, ko ona mātua e ki tātou iloa uma? Kae e vēhea la ona lea ko ia na fanaifo mai te lagi?”

Luka 7:23

Amutia nā tino e hē māhalohalo mai ki a te au!”

Maleko 6:14

Kua lagona e te Tupu ko Helota nā mea iēnei ona kua takutakua lele te igoa o Iehu i ho he nofoaga. Kua lea vē iētahi tino, “Ko Ioane te Papatiho tēnei kua toe ola mai; ko te mea ia e ia mafaia ai oi fai nā vāvega.”

Maleko 6:3

E hē ko ia tēnei te kāmuta, te tama a Malia, te uho o Iakopo, Iohefa, Iuta ma Himona? E hē ko nā tuafafine uma o ia e i kinei ma ki tātou?” Ko te mea ia na teteke ai e ki lātou ia Iehu.

Mataio 13:58

Ona ko to lātou hē fakatuatua e hēki lahi ai ni vāvega na fai e ia i kinā.

Maleko 6:1

Kua fano kehe ia Iehu mai kinā, ma kua toe foki ki tona nuku, ma mulimuli atu ai ma ona hoko kua olo fakatahi ma ia.

Maleko 6:4

Oi vāgana atu ai ia Iehu ki a te ki lātou, “E mamalu te pelofeta i ho he mea, kae vaganā ai i loto o tona nuku, ma te mea e i ei ona tagata, ma loto o tona kāiga.”