Mataio 13:44 - Tokelauan New Testament

⁴⁴ “Ko te Mālō o te lagi e fakatuha vēnei. Na maua e he tamāloa he koloa tāua e tanu i he fenua. Kua tumu tona loto i te fiafia oi toe tanu ai e ia ke galo kae fano kua fakatau nā mea uma a ia, oi totogi ai te fenua tēnā mo ia.

Mataio 13:44 Referans Kwoze

Kolohe 2:3

Ko ia ko te kī e tatala ai nā koloa tāua uma tau ki te poto ma te atamai o te Atua.

Luka 14:33

E vēnā foki lava ona hē mafai e he tino o koutou ke kavea ma oku hoko, vaganā e ia tiakia ana mea uma lele.

Mataio 6:21

Auā ko te mea e i ei autou koloa, ka i ei ai foki ma outou loto.

Mataio 19:29

Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau.

Fakaaliga 3:18

Ko te mea ia e fautua atu ai au ki a te koutou, ke fakatau ni autou aulo mai ia te au, nā aulo kua uma te fakamamā i te afi, kae ke maukoloa ai koutou. Fakatau foki ni kie papae ke kokofu ai koutou ma ke pupuni ai te mātagā o koutou. Fakatau foki ma ni vai mata mo outou mata, kae ke kitea lelei e outou mata.

Mataio 19:27

Oi tali atu ai ia Petelu, “Kikila, kua tuku e ki mātou a mātou mea uma lele kae mulimuli atu ki a te koe. He ā nei ta ki mātou ka maua?”

Mataio 19:21

Oi vāgana atu ai ia Iehu ki ei, “Kāfai koe e fia lelei kātoatoa, fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Loma 15:4

Ko nā mea uma kua tūhia i nā Tuhituhiga Paia, na tūhia ke akoako ai ki tātou, kae ke maua ai e ki tātou te fakamoemoe, e ala i te onohai ma te fakamālohi, e ki tātou maua mai i nā Tuhituhiga Paia.

Mataio 13:24

Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha vēnei. Na lūlū e he tamāloa ni fatu haito lelei i tona fatoaga.

Epelu 10:34

Nae puapuagā fakatahi koutou ma nā tino nae falepuipui, ma i te kave fakamālohiga o autou meatōtino, na talia ma te fiafia e koutou, auā na iloa e koutou koi i ei lava ia te koutou nā mea e hili atu te tāua, ni mea e tūmau pea lava ke pa ki te fakavavau.

Ioane 6:35

Kua tali mai ia Iehu, “Ko au ko te falaoa o te ola. Ko nā tino e ōmamai ki a te au, e hē toe fia kakaia lele; ko nā tino e talitonu mai ki a te au, e hē toe fia inua lele.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Mataio 13:46

i te mauaga e ia o he pēnina e hili atu tona tāua, oi fano ai kua fakatau nā mea uma a ia, oi totogi ai te pēnina tēnā ma ia.

Mataio 13:47

“Ko te Mālō o te lagi e fakatuha foki vēnei. E i ei nā tino faifaiva na tatao to lātou kupega i te tai ke maua ai ho he itūkāigā ika.