Mataio 13:24 - Tokelauan New Testament

²⁴ Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha vēnei. Na lūlū e he tamāloa ni fatu haito lelei i tona fatoaga.

Mataio 13:24 Referans Kwoze

Mataio 25:1

“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo.

Mataio 20:1

Kua toe vāgana atu ia Iehu, “Ko te Mālō o te lagi e fakatuha vēnei. E i ei he faitōvine na uhu i te taeaopō, oi hakili ni tino ke gālulue i tona tōvine kae totogi.

Mataio 13:47

“Ko te Mālō o te lagi e fakatuha foki vēnei. E i ei nā tino faifaiva na tatao to lātou kupega i te tai ke maua ai ho he itūkāigā ika.

Mataio 22:2

“Ko te Mālō o te lagi e fakatuha vēnei. Nae i ei he tupu na ia hāunia he kaiga o te fakaipoipoga a tona ataliki.

Mataio 13:37

Kua tali mai ia Iehu, “Ko te tamāloa na ia lūlūa nā fatu haito lelei ko te Ataliki o te Tagata;

Luka 13:20

Kua toe lea atu ia Iehu, “Ko he ā nei te ka fakatuha e au ki ei te Mālō o te Atua?

Luka 13:18

Oi fehili atu ai ia Iehu, “Ko te Mālō nei o te Atua e vēhea? He ā nei he mea ka fakatuha e au ki ei?

Mataio 13:33

Kua toe fai foki tētahi talafakatuha e Iehu ki a te ki lātou: “Ko te Mālō o te lagi e fakatuha vēnei. Na kave e he fafine ni fefete oi palu ki ni fuagā falaoa e tolu ke pa lava ki te taimi kua fefete uma ai te paluga kātoa.”

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

Mataio 13:31

Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha ki he fatu hīnapi na kave e he tamāloa oi totō i tona fatoaga.

Mataio 18:23

auā ko te Mālō o te lagi e fakatuha vēnei. Nae i ei he tupu kua tonu ia te ia ke hiaki ana tupe nae kaihohoa e nā kaukauna a ia, ona kua fofou ke toe totogi uma ake e ki lātou.

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 21:33

Kua lea atu ia Iehu, “Fakalogo mai ki tētahi talafakatuha. E i ei he tino na fano oi totō he tōvine e o ia. Kua ati fakatāmilo e ia he pa, ma keli he fātānoa ke tatau ai te vine, ma fau he fale ke leoleo ai te tōvine. Oi tuku ai e ia te tōvine ke lihi e ni nofolihi, kae fano i hana malaga ki hētahi atunuku.

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Kolohe 1:5

I te taimi muamua na pa atu ai te fekau moni ki a te koutou, ko te Tala Lelei tēnā, na fakalogo koutou ki te fakamoemoe e folafola mai ai. Ko te koutou fakatuatua la ma te koutou alofa, e fakavae i te mea kua fakamoemoe koutou ki ei, tēia e teu malu mo koutou i te lagi.

Mataio 13:25

Kua pa ki tētahi pō ka koi momoe ia tagata, kae hau te tino e fai te tamāloa ma ona fili, oi lūlū nā fatu vaokino ki te mea e i ei nā haito, oi toe fano kehe ai.