Mataio 13:19 - Tokelauan New Testament

¹⁹ Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 13:19 Referans Kwoze

Mataio 13:38

ko te fatoaga ko te lalolagi; ko nā fatu haito lelei ko nā tino iēnā e o te Atua; ko nā vao kino ko nā tino iēnā e o Hātani;

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

1 Ioane 5:18

E iloa e ki tātou e hēai ni fānau a te Atua e fai pea lava e ki lātou te agahala, auā e puipuia ki lātou e te Ataliki o te Atua, ma e hē mafai ke paki te lima o te Tino Kino ki a te ki lātou.

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

1 Ioane 3:12

Ki tātou nahe vē ko Kaino; na tāmate e ia tona uho ko Apelu ona ko ia ko he fānau e a te Tino Kino. He ā te na tāmate ai e Kaino tona uho? Auā nae kino nā mea nae ia faia, kae lelei nā mea nae fai e tona uho.

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

2 Tehalonia 2:12

Ko te ikuga la, ko ki lātou uma e hē talitonu ki te fekau moni e uiga ki to tātou Aliki kae fiafia oi fai te agahala, ka fakahalagia.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Gāluega 20:25

“Kua uma toku pa atu ki a te koutou uma ma folafola atu e uiga ki te Mālō o te Atua, ma e iloa e au e hēai lele he tino o koutou ka toe kikila mai ki a te au.

Gāluega 18:15

Kae ona ko koutou e fai fīnauga e uiga ki ni kupu ma ni igoa ma tautou lava tūlāfono, e tatau la ke fai lava e koutou he fakaikuga ki ei. E hē faia au ma fakamahino ki nā mea iēnā!”

Gāluega 17:32

I te ki lātou lagona atuga o Paulo e tautala e uiga ki te toetū mai te oti, oi fakatauemu ai iētahi tino ki ei, kae ko iētahi tino kua lea vē, “Ko ki mātou e fia toe fakalogo ke tautala mai koe i te mea tēnā.”

Ioane 18:38

“He ā te meamoni?” kua fehili atu ki ei ia Pilato. Oi toe fano ai ia Pilato ki fafo kinā tino Iutaia, ma lea vē atu ki ei, “E hēai he mea e kō kitea, e tatau ke fakahala ai te tino tēnei.

Ioane 8:43

He ā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu.

Luka 10:9

fakamālōlō nā tauale i te kakai tēnā, ma lea vēnei kinā tino uma i kinā, ‘Ko te Mālō o te Atua kua tāli pa mai ki a te koutou.’

Luka 9:2

Oi uga atu ai e ia ki lātou ke tālaki e uiga ki te Mālō o te Atua, ma fakamālōlō nā tino tauale,

Maleko 4:15

Ko iētahi tino e fakatuha ki nā fatu haito na lūlū ki luga o te auala; ko te taimi lava e ki lātou lagona ai te fekau, oi hau ai ia Hātani oi toe kave kehe.

Mataio 5:37

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Mataio 12:26

Kāfai la he vāega e tauai miha ma hētahi vāega i te mālō o Hātani, tona uiga kua uma te vāevāe vāega ma ka hē mataloa kae mālepelepe!

Mataio 13:20

Ko nā fatu haito na pakukū ki luga o te kelekele fatufatua, e fakatuha ki nā tino e ki lātou talia ma te fiafia te fekau i te taimi lava e lagona ai e ki lātou.