Mataio 12:42 - Tokelauan New Testament

⁴² I te Aho Fakamahino, ka tū mai te Tupu fafine o Heepa ma mōlia koutou ke fakahala, auā ko ia na malaga mamao mai tētahi itū o te lalolagi ke fakalogo ki te poto o te Tupu ko Holomona; ma e takutino atu e au ki a te koutou, kua i kinei he mea e hili atu te tāua i lo Holomona!

Mataio 12:42 Referans Kwoze

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Mataio 12:41

I te Aho Fakamahino, ka tutū mai ia tagata o Nineva ma mōlia koutou, auā na liliu kehe ki lātou mai a lātou agahala i te ki lātou lagonaga o te fekau a Iona; ma e lea atu au ki a te koutou, kua i kinei he mea e hili atu te tāua i lo Iona!

Mataio 12:6

E lea atu au ki a te koutou, ei kinei te mea e hili atu tona tāua i lo te Mālumalu.