Mataio 11:6 - Tokelauan New Testament

⁶ Amutia nā tino e hē māhalohalo mai ki a te au!”

Mataio 11:6 Referans Kwoze

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

Mataio 26:31

Kua vāgana atu ia Iehu ki a te ki lātou, “Ko te pō lava tēnei ka hōhola kehe uma ai koutou kae tīaki au, auā e lea mai te tuhituhiga paia, ‘Ka tāmate e te Atua te leoleomāmoe, ma ko te lafu māmoe ka takape.’

Ioane 6:66

Ona ko te mea tēnei, na holomuli ai te tokalahi o ki lātou nae mulimuli ki a Iehu, kua hē toe mulimuli ki ei.

Mataio 24:10

E tokalahi nā tino ka fakavāivai i to lātou fakatuatua i te taimi tēnā; ka fakalata e tētahi tētahi ma inoino tētahi ki tētahi.

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.

Mataio 18:7

Hāloa te lalolagi ona e i ei nā mea e tutupu ke fakaohooho ai ia tagata ki te agahala! Ko nā mea iēnei e tatau lava ke tutupu — kae hāloa la te tino e māfua ai iēnei mea!

Kalatia 5:11

Kae e vē la ko au, te kau uho, kāfai e tālaki pea e au ko te pelitome ko he mea e tatau ke fai, he ā la te koi fakahāuā mai ai pea ia tagata ki a te au? Kāfai au e lea ki nā tino ko te pelitome ko he mea e tatau ke fai, ko tona uiga ko te fekau e folafola e au e uiga ki te hātaulo, e hē tatau ke fai ma fakalavelave ki a te ki lātou.

Luka 2:34

Oi fakamanuia ai ki lātou e Himeona, ma lea vē atu ki a Malia, te mātua o te pepe, “Kikila, ko te pepe tēnei kua filifilia e te Atua mo te fakaumatiaga ma te fakaolataga o tagata Ihalaelu. Ka fai ia ma fakailoga mai te Atua e teteke ki ei te tokalahi o tagata,

Mataio 5:29

Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki kēna.

Mataio 13:21

Kae e hē loloto to lātou talitonu, ma e hē tūmau mataloa ai foki; ko te taimi lava e pa mai ai nā puapuagā ma nā fakahāuāga ona ko te fekau, e vave lele oi uma to lātou talitonu.

Maleko 6:3

E hē ko ia tēnei te kāmuta, te tama a Malia, te uho o Iakopo, Iohefa, Iuta ma Himona? E hē ko nā tuafafine uma o ia e i kinei ma ki tātou?” Ko te mea ia na teteke ai e ki lātou ia Iehu.

Luka 7:23

Amutia nā tino e hē māhalohalo mai ki a te au!”

Ioane 16:1

“Kua uma toku lea atu ki a te koutou i te mea tēnei, kae ke nahe āfāina ai te koutou fakatuatua.