Mataio 11:5 - Tokelauan New Testament

⁵ kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 11:5 Referans Kwoze

Luka 4:18

“Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Mataio 21:14

Oi ōmamai ai nā tāuaho ma nā pipili ki a te ia i te Mālumalu, ma fakamālōlō ai ki lātou e ia.

Ioane 10:38

Kae kāfai e fai e au nā mea iēnei, e ui lava ko koutou e hē talitonu mai ki a te au, kae e tatau lava ke talitonu koutou ki nā gāluega na fai e au, kae ke koutou iloa ai ma te mautinoa, ko te Tamana e ia te au, ma ko au e i te Tamana.”

Ioane 10:25

Kua tali atu ia Iehu, “Kua uma toku lea atu ki a te koutou, ka ko koutou e hē fia talitonu mai ki a te au. Ko nā gāluega e kō faia i te igoa o toku Tamana, e molimau ki a te au;

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Ioane 3:2

Kua pa ki tētahi pō, oi fano ai ki a Iehu ma lea vē atu ki ei, “Te Faiakoga, e ki mātou iloa ko koe he faiakoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e i ei fakatahi ma ia.”

Ioane 2:23

Ka koi i Ieluhalema ia Iehu i te taimi o te Kaiga Fakamanatu o te Pāheka, e tokalahi nā tino na talitonu ki a te ia, ona kua ki lātou kiteagia nā fakailoga nae ia faia.

Maleko 9:25

Kua kitea atu e Iehu te kaifenua kua kāmata nunu atu ki te mea e i ei ki lātou, oi fakatonu loa e ia te agaga kino vēnei, “Ko au e lea atu ki a te koe, te agaga e tutuli ma gūgū ai te taumalo, hau nei loa ki fafo, e hā foki koe oi toe ulu ki a te ia!”

Maleko 7:37

Ko nā tino uma na fakalogo ki te tala tēnei, na ofo lahi lele ma lea vē, “Kai te lelei o te faiga o nā gāluega a ia! E pa lava ki nā tutuli ma nā gūgū kua toe taligalogo ma tautatala!”

Mataio 10:8

Fakamālōlō nā tauale, toe fakatutū nā tino kua oti, fakamamā ki lātou e maua i nā tauale kino o te kili, ma tuli ki fafo nā tēmoni. Kua maua e koutou te pule e hēai he totogi, ke vēnā foki oi tuku atu e koutou ki iētahi tino, e hēai he totogi.

Mataio 9:30

ma na toe pupula ai o lā mata. Na tautala mālohi ia Iehu ki te toka lua ma lea vē atu, “Nahe koulua lea lele ki he tino.”

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Mataio 11:4

Kua tali mai ia Iehu, “Olo oi taku ki a Ioane nā mea e koutou lagona e tautatala ai ia tagata ma nā mea e kitea i outou mata:

Mataio 12:13

Oi vāgana atu ai ia Iehu ki te tamāloa e mate te lima, “Fakahako atu tō lima.” Kua fakahako te lima o te tamāloa oi toe lelei ai, kua vē lava ko tētahi ona lima.

Ioane 9:7

ma lea vē atu ki ei, “Fano la oi fufulu ō mata i te Vaitākele ko Hiloma.” (“Ko te uiga o te kupu ‘Hiloma’ ko te ‘Uga’ ”) Oi fano ai te tamāloa kua fufulu ona mata, ma e liliu mai, kua kitea e ona mata.