Mataio 10:3 - Tokelauan New Testament

³ ko Filipo ma Patolomaio; ko Toma ma Mataio te aolāfoga; ko Iakopo te ataliki o Alefaio, ma Tātāio;

Mataio 10:3 Referans Kwoze

Gāluega 1:13

Kua taunuku atu ki lātou ki Ieluhalema, oi olo ai ki te potu nae nonofo ai i te falealuga; ko Petelu, ko Ioane, ko Iakopo ma Anitelea, ko Filipo ma Toma, ko Patolomaio, ko Mataio, ko Iakopo te ataliki o Alefaio, ko Himona (nae fakaigoa ko te Lotonuku), ma Iuta te ataliki o Iakopo.

Maleko 3:18

ko Anitelea, ko Filipo, ko Patolomaio, ko Mataio, ko Toma, ko Iakopo te Ataliki o Alefaio, ko Tātāio, ko Himona te Lotonuku,

Maleko 2:14

Koi havali atu ia Iehu, kae ia kitea atu he aolāfoga, ko Levi te Ataliki o Alefaio, e nofo mai i loto o tona ofiha. Kua vāgana atu ia Iehu ki ei, “Mulimuli mai ki a te au.” Oi tū ai ki luga ia Levi kua mulimuli ki a Iehu.

Mataio 9:9

Kua fano kehe ia Iehu ma kinā, ma e havali atu kae ia kitea atu he aolāfoga e igoa ki a Mataio, e nofo mai i loto o tona ofiha. Oi vāgana atu ia Iehu ki ei, “Mulimuli mai ki a te au.” Oi tū ai ki luga ia Mataio kua mulimuli ki a Iehu.

Ioane 21:2

Nae fakapotopoto i kinā ia Himona Petelu, ko Toma (tē e fakaigoa ko te Māhaga), ko Natanielu mai Kana i Kalilaia, ko nā ataliki o Hepetaio, ma iētahi hoko e toka lua.

Ioane 11:16

Kua lea atu ia Toma (tēia e fakaigoa ko te Māhaga) ki iētahi o te kau hoko, “Tātou olo uma fakatahi ma te Faiakoga, kae ke oti fakatahi ki tātou ma ia.”

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Iakopo 1:1

Mai ia Iakopo, he kaukauna e a te Atua ma e a te Aliki ko Iehu Keliho: E fakatālofa atu ki nā puikāiga e hefululua e takape i te lalolagi kātoa.

Kalatia 2:9

Ko Iakopo, ma Petelu ma Ioane, e vē ko ki lātou lava iēnei ko nā takitaki, na iloa e ki lātou ko te gāluega fakapitoa tēnei na fōki mai e te Atua ki a te au; ma na fakamautū ta mātou māliliega ke gālulue fakatahi, i te fakatālofa o ki māua ma Panapa ki ei. Na mālilie fakatahi ki mātou ko ki māua ma Panapa ke gālulue mo tagata nukukehe, kae gālulue ki lātou mo tagata Iutaia.

Kalatia 1:19

Kae e hēki fetaui au ma hētahi apohitolo vaganā ai ia Iakopo, te taina o te Aliki.

Gāluega 21:18

I te aho alafaki na olo ai ki mātou ma Paulo oi āhi ia Iakopo; ma nae i ei fakatahi uma ai ma nā toeaina o te Ekalehia.

Gāluega 12:17

Kua tautala lima atu ia Petelu ki a te ki lātou ke nahe piha, ma na fakamatala e ia ki a te ki lātou te tatalaga o ia e te Atua mai te falepuipui. Oi lea vē atu ai, “Taku ko la te mea tēnei ki a Iakopo ma iētahi uho Kelihiano,” ma na tukua ai loa e ia ia kinā kae fano ki hētahi koga.

Luka 5:27

Kua uma atu te mea tēnā, oi fano kehe ai ia Iehu. Na ia kitea atu he aolāfoga e igoa ki a Levi, e nofo mai i loto o tona ofiha. Kua vāgana atu ai Iehu ki ei, “Mulimuli mai ki a te au.”

Gāluega 15:13

Kua uma te tautatala o ki lāua, oi lea vē atu ai ia Iakopo: “Te kau uho, fakalogo mai ake!

Ioane 14:22

Kua lea atu ia Iuta (e hē ko Iuta Ihikaliota), “Te Aliki, e vēhea ona mafai ke kē fakailoa mai koe ki a te ki mātou, kae hē fakailoa ki te lalolagi?”

Ioane 14:9

Kua tali mai ia Iehu, “Filipo, kai te mataloa lele o te taimi talu te fakatahi o au ma koutou, kae ko hēki kē iloa lava au? Ko ai lava e ia kitea au, kua ia kiteagia te Tamana. He ā la te lea ai koe, ‘Fakahino mai ki a te ki mātou te Tamana’?

Mataio 27:56

Ko iētahi o ki lātou iēnei, ko Malia te Makatala, ko Malia te mātua o Iakopo ma Iohefa, ma te āvaga a Hepetaio.

Mataio 18:17

Kāfai e hē fakalogo ki a te ki lātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i tautou māfuta ki ei.

Maleko 15:40

Nae i ei nā fafine i kinā nae taukikila mamao atu. Nae i ei ai ia Malia te Makatala, ko Malia te mātua o Iakopo tamaiti ma Iohefa, ma Halome.

Luka 18:10

“E i ei ni tamāloa e toka lua na olo oi tatalo i loto o te Mālumalu: ko tētahi he Falehaio, ka ko tētahi he aolāfoga.

Luka 18:11

“Ko te Falehaio nae tū tautahi ma tatalo vēnei, ‘Te Atua, ko au e fakafetai atu ki a te koe, auā ko au e hē manako lahi, e hē talapepelo, ma e hē mulilua e vē ko iētahi tino. Ko au e fakafetai atu, auā ko au e hē vē ko te aolāfoga tēia.

Luka 18:13

“Kae ko te aolāfoga, nae tū mamao mai, ma e hēki kikila ake foki ona mata ki te lagi, ka nae pōpō tona fatafata, ma lea vē, ‘Te Atua, alofa mai ko ki a te au te tagata agahala!’ ”

Luka 19:2

Nae i kinā he takitaki aolāfoga e igoa ki a Hakaio, he tino maukoloa.

Ioane 1:48

Kua fehili atu ia Natanielu ki a Iehu, “Na kē iloa vēhea au?” Kua tali mai ia Iehu, “Na kō kitea koe i lalo o te mati, ka ko hēki kalaga atu ia Filipo ki a te koe.”

Ioane 14:5

Kua lea atu ia Toma ki a te ia, “Te Aliki, e hē ki mātou iloa te mea e fano koe ki ei, kae e vēhea la ona iloa e ki mātou te ala e fano ki ei?”