Mataio 10:17 - Tokelauan New Testament

¹⁷ Koutou ke mataala, auā e i ei nā tino ka ki lātou pukea koutou ma kave ki te fakamahinoga, ma ka ki lātou kinia koutou i loto o nā hūnako.

Mataio 10:17 Referans Kwoze

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Mataio 23:34

Ko te mea ia, ka kō uga atua ki a te koutou nā pelofeta ma nā tino popoto ma nā faiakoga; ka koutou tāmatea iētahi o ki lātou, ka fakahātaulo iētahi, ma kini iētahi i loto o nā hūnako ma tuli mai tētahi kakai ki tētahi kakai.

Gāluega 26:11

E lahi nā taimi na kō fakahalagia ai ki lātou i loto o nā hūnako, ma taumafai i ni faiga ke fakafiti ai ki lātou i to lātou talitonuga. Ko toku ita lahi ki nā tino iēnei na fano ai lava au ki nā kakai nukukehe ke fai o lātou mōliga.

Ioane 16:2

Ka tuli kehe koutou mai loto o nā hūnako, e hē gata i tēnā, e pa mai te taimi ka manatu ai nā tino e ki lātou fahiotia koutou, ko he tiute tēnā e o ki lātou e tautua ai ki te Atua.

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Gāluega 22:19

Oi tali vē atu ai au, ‘Te Aliki, e iloa lelei lava e ki lātou ko au nae fano ki nā hūnako oi puke ma kini nā tino kua talitonu atu ki a te koe.

Epelu 11:36

Ko iētahi nae fakatauemu ki ei ia tagata ma kini, ma ko iētahi nae haihai i nā filifili ukamea ma togi ki te falepuipui.

2 Timoteo 4:15

Koe la ke fakaeteete i te tagata tēnei, auā e teteke lahi lele ki te fekau e ki tātou tālakia.

Filipi 3:2

Koutou ke fakaeteete i nā tino e vē ni kulī! Nā tino e ki lātou faia nā mea kino ma e fofou ke fakamātipitipi te tino.

Ioane 11:47

Oi na fono ai te kau Falehaio ma nā ohitāulaga hili fakatahi ma te Taupulega, ma kua lea vē ki atu lātou, “He ā ta ki tātou ka fai? Kikila ki te lahi o nā fakailoga kua fai e te tagata tēnei!

Maleko 13:12

Ka tuku atu e te uho tona uho ke tāmate, ka vēnā oi fai e tamana ki a lātou fānau. Ka fakahaga tau ia fānau ki o lātou mātua ma tuku atu e ki lātou ke tāmate,

Mataio 26:59

Oi taumafai ai nā ohitāulaga hili ma te Taupulega kātoa, ke hakili ni molimau pepelo ke mōlia ai ia Iehu, kae ke ki lātou mafaia ai oi tāmate;

Gāluega 17:14

Oi na uga ai loa e te kau Kelihiano ia Paulo ma ni iētahi taulelea ke olo ki he koga tū matāfaga; kae kua nonofo ia Hila ma Timoteo i Peloia.

Mataio 20:19

ma tukulima atu ki tagata nukukehe ke ki lātou tauemua, ma kini, ma fakahātaulo; ma ka toe fakatū mai ai i te oti, i tona tolu o aho.”

Mataio 10:18

Ona ko au ka kave ai koutou ki te fakamahinoga i mua o nā kōvana ma nā tupu, ke fakailoa atu ai te Tala Lelei ki a te ki lātou ma tagata nukukehe.

Gāluega 9:2

ma lea ki ei mo ni tuhi ke fakailoa atu ai ia ki nā hūnako i Tamaheko, kae ke ia pukea ai ho he tino e i loto o te maopoopoga e takua ko te Ala o te Aliki i kinā, ko taulelea ma fafine, ma fakafoki ki Ieluhalema.