Mataio 10:14 - Tokelauan New Testament

¹⁴ Kāfai foki he fale pe he nuku ka hē talia ai koutou pe fia fakalogo atu, olo kehe ma kinā, ma lūlū kehe te pefu mai outou vae.

Mataio 10:14 Referans Kwoze

Gāluega 18:6

Na teteke ki lātou ki a Paulo ma faikupu kino ki ei, oi na tali vēnei atu ai ia Paulo ki a te ki lātou ma lūlū kehe te pefu i ona kofu, “Kāfai koutou e momotu kehe mai te Atua, ko koutou lava te na māfua ai! E hē ko he hehē e o oku. E kāmata atu nei, ko au ka fano oi tālaki ki tagata nukukehe.”

Gāluega 13:51

Na tūtū kehe e nā apohitolo te pefu mai o lā vae, ke fakailoa ai ki tagata o te kakai to lā hē fiafia, ma na olo ai ki Ikononu.

Luka 9:5

ma ko fea lava e hē talia ai koutou e tagata, olo kehe ma te kakai tēnā ma lūlū kehe te pefu mai outou vae, ke fai ma fakailoga ke ki lātou iloa ai te ikuga ka pa ki lātou ki ei.”

Maleko 6:11

Kāfai koutou e tau atu ki he kakai e hē talia ai koutou, ma mumuhu ia tagata oi fakalogo atu ki a te koutou, olo kehe ma kinā ma lūlū kehe te pefu mai outou vae. Ka fai tēnā ma fakailoga ke ki lātou iloa ai te ikuga ka pa ki lātou ki ei.”

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

Ioane 13:20

E takutino atu e au ki a te koutou te meamoni: ko ai lava e talia e ia he tino e uga atu e au, kua ia talia foki au; ma ko ai lava e ia talia au, kua ia talia foki tē na ia uga maia au.”

Maleko 9:37

“Ko ai lava he tino e ia talia he tamaiti vēnei i toku igoa, kua ia talia foki au; ma ko ai lava e ia talia au, kua ia talia foki tē na ia uga maia au.”

Mataio 18:5

Ko ai lava he tino e ia talia he tamaiti vēnei i toku igoa, kua ia talia foki au.

Luka 9:48

kae lea vēnei atu ki a te ki lātou, “Ko ai lava he tino e ia talia te tamaiti tēnei i toku igoa, kua ia talia foki au; ma ko ai lava e ia talia au, e ia talia foki tē na ia uga maia au. Auā ko te tino o koutou e pito hili ona hē tāua, ko ia tēnā e hili atu tona tāua.”

Mataio 10:13

Kāfai e talia koutou e nā tino o te fale, ke tūmau pea te fīlēmū o te Atua ia te ki lātou; kae kāfai koutou e hē ki lātou talia, oi toe fakafoki mai te koutou fakamanuiaga na fai.