Maleko 9:9 - Tokelauan New Testament

⁹ Ka koi ōifo ki lātou ki lalo o te mauga ka kua fakatonu vēnei atu e Iehu te toka tolu, “Nahe koutou takua lele ki he tino te mea na koutou kitea, heiloga kua toe tū te Ataliki o te Tagata mai te oti.”

Maleko 9:9 Referans Kwoze

Maleko 5:43

Ka kua vavao mālohi atu ki lātou e Iehu ke nahe ki lātou takua lele ki he tino, ma vē atu tana kupu, “Fōki he mea ma te tamaiti ke kai.”

Mataio 12:40

E vēia ona i loto ia Iona i te manava o te tafolā i nā ao ma nā pō e tolu, ka vēnā foki oi i ei i te loloto o te kelekele te Ataliki o te Tagata i nā ao ma nā pō e tolu.

Luka 24:46

ma vāgana atu vēnei ki a te ki lātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai i te oti i tona tolu o aho,

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Mataio 12:19

Ka hē tauai kupu lele ia pe taukekē, pe lāuga leo lahi i nā auala.

Mataio 8:4

Oi vāgana atu ai ia Iehu ki ei, “Fakalogo mai koe! Ko koe e hē lea lele ki he tino, kae fano oi fakaali tō tino ki he ohitāulaga; ma ofo atu ai he tāulaga e vē ona fakatonu mai e Mohe, ke fai ma fakamāoniga ki tagata ko koe kua mamā.”

Maleko 7:36

Oi fakatonu ai e Iehu ia tagata ke nahe ki lātou takua lele ki he tino te mea na tupu; kae na vē lava e lea atu ke fakaatili ai te ki lātou tālakia o te tala.

Maleko 9:8

Kae teki lava e kikila atu ki lātou kua hēai hētahi tino e i ei ma ki lātou kae nā ko Iehu oioti.

Maleko 9:10

Na uhitaki ki lātou ki te fakatonuga a Iehu, kae kua kāmata oi fakataufai ki lātou lava, “He ā nei te uiga o tana kupu, ‘toe tū mai i te oti?’ ”

Luka 9:36

Kua uma te tautala ifo o te leo, oi maua atu au ai e ki lātou ia Iehu, nā ko ia tautahi. E hēki toe vaivaia lele he tino o ki lātou, ma e hēki takua e ki lātou ki he tino i te taimi tēnā, te mea na ki lātou kitea.