Maleko 9:28 - Tokelauan New Testament

²⁸ Kua fano ia Iehu ki loto o te fale, kua nā ko ia ma ona hoko, oi fehili atu ai ona hoko ki ei, “He ā nei te hēki mafai ai e ki mātou oi tuli ki fafo te agaga kino?”

Maleko 9:28 Referans Kwoze

Maleko 7:17

Kua tukua e Iehu te kaifenua kae ulu atu ki loto o te fale, oi fehili atu ai ona hoko ki ei ke fakamālamalama ake ki a te ki lātou te talafakatuha tēnei.

Maleko 4:34

Nae hē mafai ia Iehu ke akoako atu ki tagata e aunoa ma te ia fakaaogāgia o nā talafakatuha, kae kāfai ko ia oioti ma ona hoko, oi fātoā fakamālamalama ai e ia nā mea uma lele ki ei.

Maleko 4:10

E nofo tautahi ia Iehu, kae ōmamai ki ei ni tino nae i ei i te faiga o ana akoakoga fakatahi ma ona hoko e toka hefululua, kua fehili ki ei ke fakamatala ake te uiga o nā talafakatuha.

Mataio 15:15

Oi lea atu ai ia Petelu, “Fakamālamalama ake te uiga o tau fakakupuga tēnā.”

Mataio 13:36

Kua tukua e Iehu te kaifenua ka kua fano ki loto o te fale. Oi ōmai ai ona hoko kua lea vē atu ki ei, “Fakamatala mai ake ki a te ki mātou te uiga o te talafakatuha o nā vao kino i te fatoaga.”

Mataio 13:10

Oi ōmamai ai te kau hoko ki a Iehu ma fehili vē atu ki a te ia, “He ā te fakaaogā ai e koe nā talafakatuha i au akoakoga e fai ki nā tino?”

Maleko 2:1

Kua teka atu ni aho, oi toe foki ai ia Iehu ki Kapenaumi, kua halalau foki te tala ko Iehu kua i tona kāiga.

Maleko 3:20

Oi fano ai ia Iehu ki tona kāiga. Ka kua toe tumu atu foki ki ei te kaifenua e tokalahi kua hē maua ai he avanoa o ia ma ona hoko ke kakai ai.

Maleko 9:27

Ka kua tago atu ia Iehu ki te lima o te taumalo kua fakatū ki luga, oi tū ai ki luga.

Maleko 9:29

Oi tali atu ai ia Iehu, “Ko te tatalo oioti lava te mafai ke tuli kehe ai ki fafo te itūkāigā agaga kino tēnei.”