Maleko 9:20 - Tokelauan New Testament

²⁰ Oi kaumai ai loa e ki lātou te taumalo ki a Iehu. Na kitea atu lava ia Iehu e te agaga kino, fakatete loa lava e ia te tino o te taumalo, oi pakū ai te taumalo ki te kelekele kua takafilifili ai, ka kua hau te takāpia i nā gutu.

Maleko 9:20 Referans Kwoze

Maleko 1:26

Na fakatete lahi loa e te agaga kino te fuaitino o te tamāloa ma taukekē leo lahi, oi fano ai ki fafo.

Luka 4:35

Kae kua muna atu ki ei ia Iehu, kua lea vē atu, “Te piha kae hau loa ki fafo o te tino tēnā!” Na togi loa e te tēmoni te tamāloa ki lalo i mua o ki lātou, oi fano ai ki fafo kae e hēki ia faia he mea ke āfāina ai te tamāloa.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Luka 9:42

Koi havali mai te taumalo ki a Iehu, kae ato e te tēmoni ki lalo ma fakatete tona tino. Oi munaia ai e Iehu te agaga kino, ma fakamālōlō te taumalo, oi toe tuku atu ai ki tona tamana.

Luka 8:29

Ko te tamāloa na lea vēnei, ona na fakatonu e Iehu te agaga kino, ke fano ki fafo o ia. Kua lahi nā taimi e ulufia ai te tamāloa, ma e ui lava nae noanoa nā lima ma nā vae i nā filifili ukamea, ka nae tamotu lava e ia nā filifili ukamea, ma tuli e te tēmoni ki te vao.

Maleko 9:26

Na taukekē loa te agaga kino ma fakatete lahi te taumalo oi hau ai ki fafo. Kua tatia te taumalo e vē he tino kua oti, ko te mea ia na lea vē ai te tokalahi o nā tino, “Ko te taumalo kua oti!”

Maleko 9:18

Ko taimi uma lava e ulufia ai, e ato lava ia e ia ki lalo, ma hau te takāpia i nā gutu, e gugu ona nifo ma mākeketū tona tino kātoa. Na lea au ki ō hoko ke ki lātou tulia ki fafo te agaga kino, kae e hēki ki lātou mafaia.”

Maleko 9:19

Oi tali atu ai ia Iehu ki a te ki lātou, “Kai te hē talitonu o tagata o tēnei tupulaga! He ā nei te mataloa e tatau ke fakatahi ai pea au ma koutou? He ā nei te mataloa ka onohai ai pea au? Kaumai te taumalo ki a te au!”

Maleko 9:21

Na fehili atu loa ia Iehu ki te tamana o te taumalo, “He ā nei te mataloa talu te tauale vēnei?” Kua tali mai te tamana, “Na tauale vēnei mai lava ka koi tamaiti lele.

Luka 9:39

E teki lava kua kekē, e ulufia e he agaga kino. E fakatete tona tino e te agaga kino, ma hau te piapia i nā gutu; e fakatāugā e ia toku ataliki, ma e tau hē teka kehe lele ma ia!