Maleko 9:12 - Tokelauan New Testament

¹² Kua tali mai ia Iehu, “E hako ko Elia e hau muamua ke toe tukutuku tonu ia mea uma. Ka ko he ā nei foki la te tūhia ai i nā Tuhituhiga Paia, ko te Ataliki o te Tagata e tatau ke maua i nā puapuagā e lahi ma teteke e tagata?

Maleko 9:12 Referans Kwoze

Luka 23:11

Ko Helota ma ana fitafita nae fakatauemu ma fai kupu kino ki a Iehu; oi na fakakofu ai e ki lātou ia Iehu i he kofu tatao manaia, kae toe uga ki a Pilato.

Luka 1:76

“Ma ko koe, taku tama, ka takua koe ko he pelofeta e a te Atua Hilihilikehe. Ka muamua atu koe i te Aliki, ke hāuni he auala mo ia,

Luka 23:39

Ko tētahi o pagotā na fakatautau i kinā, kua fakatauemu ki a Iehu ma lea vē atu ki ei, “E hē ko koe nei ko te Mehia? Fakaola la koe ma ki māua!”

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Maleko 9:13

Kae ko au e lea atu ki a te koutou, ko Elia kua hau, ma na ki lātou faia ki a te ia ho he mea lava na fofou ki lātou ki ei, e vē lava oi tūhia i nā Tuhituhiga Paia e uiga ki a te ia.”

Maleko 9:31

ona e fai ai nā akoakoga a ia ki ona hoko. Kua lea vē atu ki ona hoko, “Ko te Ataliki o te Tagata ka tukulima atu ki lalo o te pule a tagata, ma ka ki lātou tāmatea. Kae e teka nā aho e tolu, oi ka toe fakatū ai mai i te oti.”

Maleko 10:33

Kua vāgana atu ia Iehu, “Kikila, ko ki tātou e olo ki Ieluhalema. Ko kinā ka tukulima atu ai te Ataliki o te Tagata ki te pule a nā ohitāulaga hili ma nā faiakoga o te Tūlāfono. Ka ki lātou fakahalagia ia i te oti, ma tukulima atu ki tagata nukukehe,

Gāluega 1:6

Kua fakatahi te kau apohitolo ma Iehu, oi fehili vē atu ai ki lātou ki a te ia, “Te Aliki, ka toe fōki nei e koe te Mālō ki a Ihalaelu i te taimi nei?”

Gāluega 4:11

Ko Iehu te na lea mai ai te tuhituhiga paia vē, ‘Ko te fatu na tīaki e koutou nā tufuga faufale, na iku ake kua kavea ma fatu e pito hili te tāua.’