Maleko 7:31 - Tokelauan New Testament

³¹ Na tukua e Iehu te kogāfenua o Tulo, kae toe foki ki te Vaitūloto ko Kalilaia kui atu i Haitonu ma nā kogāfenua o nā Kakai e Hefulu.

Maleko 7:31 Referans Kwoze

Maleko 5:20

Oi fano ai te tamāloa kua kui atu i nā Kakai e Hefulu ma takutaku atu ki ei nā mea na fai e Iehu mo ia. Na ofo lele ai ki lātou uma na fakalogo ki ei.

Mataio 4:25

Ma na mulimuli ki a te ia ni kaifenua e tokalahi mai Kalilaia, mai nā Kakai e Hefulu, mai Ieluhalema ma Iutea, vēnā ma te kogāfenua i tētahi itū o te Iolitana.

Maleko 7:24

Kua fano kehe ia Iehu mai kinā ka kua fano ki te kogāfenua e pili ki te kakai ko Tulo. Kua ulu atu ki loto o he fale ma e hēki fofou ke iloa e he tino ko ia ei kinā, kae na iloa lava.

Mataio 11:21

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō.

Mataio 4:18

E havali atu ia Iehu i tafa o te Vaitūloto ko Kalilaia kae ia kitea atu he kau uho e toka lua, ko Himona (ko tētahi ona igoa ko Petelu) ma tona uho ko Anitelea, e togi to lā kupega i te vai; auā ko ki lāua ni tino faifaiva.

Maleko 7:30

Na fano loa te fafine ki tona fale, oi ia maua atu ai tana tama teine e tautakafili i luga o te moega; ma e hako lava ko te tēmoni kua fano kehe ma ia.