Maleko 5:23 - Tokelauan New Testament

²³ ma fakatagi ki ei vēia, “Ko toku afafine tamaiti e tauale tīgāina lahi. Hau ko fakamolemole oi fakaeke o lima ki ona luga, kae ke toe mālōlō ai ma ola!”

Maleko 5:23 Referans Kwoze

Luka 13:13

Kua fakauta atu ona lima ki luga o te fafine, ma ko te taimi lava tēnā na tū hako ake ai loa ki luga te fafine, ma viviki ake ki te Atua.

Luka 4:40

I te gotoga o te la, ko ki lātou uma lele nae i ei ni o lātou tino nae maua i nā itūkāigā tauale kehekehe, kua ōmamai ma kaumai ki a Iehu: kua fakauta ona lima ki luga o ki lātou tau tokatahi, oi mālōlō ai ki lātou uma.

Maleko 16:18

kāfai e hiki ki luga e ki lātou nā gata, pe inu ki ho he meakona, ka hē āfāina ai ki lātou; kāfai e fakauta o lātou lima ki luga o nā tauale, ka mālōlō ai nā tauale.”

Gāluega 28:8

Ko te tamana o Popilio nae takoto i te moega e maua i te fiva ma te manava tatā. Oi fano ai ia Paulo ki te potu e i ei ai, kua tatalo ma fakaeke atu ona lima ki ona luga ma fakamālōlō ai mai ona tauale.

Luka 4:38

Kua fano kehe ia Iehu mai te hūnako, oi fano ai ki te fale o Himona. Ko te mātua o te āvaga a Himona, e tauale i te fiva maualuga, oi fakataumuna ai ki lātou ki a Iehu e uiga ki te fafine.

Maleko 8:23

Na puke atu loa ia Iehu ki te lima o te tāuaho oi tataki ai e ia ki fafo o te kakai. Kua feanu ia Iehu ki nā mata o te tāuaho ma fakauta atu ona lima ki ona luga, kae fehili vē atu ki ei, “E kē kitea he mea?”

Maleko 7:32

Kua kaumai e ni tino ki a te ia he tamāloa e tutuli ma tau hē mafai ke tautala. Kua fakatagi atu ki lātou ki a Iehu ke fakaeke ona lima ki luga o te tutuli.

Luka 7:12

Na pa atu lava ia Iehu ki te faitotoka o te kakai, kae fakahao mai te holo, e hiki mai he tino kua oti. Ko te tamāloa kua oti, he tama tautahi e a he fafine kua oti tana āvaga, ma nae fakatahi ma te mātua he kaifenua e tokalahi mai te kakai.

Maleko 6:13

Na ki lātou tuli kehea te tokalahi o nā tēmoni, ma ukua i te lolo ōlive nā tauale e tokalahi ma na mālōlō ai ki lātou mai o lātou tauale.

Mataio 8:3

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na mamā ai ia mai te lēpela.

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”

Gāluega 6:6

Kua tuku atu ki lātou iēnei e te fakapotopotoga ki te kau apohitolo, oi tatalo ai te kau apohitolo ma fakaeke atu ki ei o lātou lima.

Ioane 11:3

Kua kave te faifekau e te uho tēnei ki a Iehu e vē, “Te Aliki, ko tau uō e alofa koe ki ei, e tauale.”

Maleko 5:24

Oi fano ai ia Iehu kua olo ma Iāilo. Ko te tokalahi o nā tino nae mulimuli ki a Iehu, kua nunu lele atu ai ia tagata ki nā itū uma o ia.

Gāluega 8:17

Oi fakaeke atu ai nā lima o Petelu ma Ioane ki o lātou luga, ma na ki lātou maua ai te Agaga Paia.

Gāluega 9:12

ma i he fakaaliga, na ia kitea ai he tino e igoa ki a Anania kua ulu ake ma fakauta ona lima ki ona luga, kae ke mafai ai ke toe kikila ona mata.”