Maleko 5:14 - Tokelauan New Testament

¹⁴ Ko nā tino nae kikilagia nā puaka, kua fētutuli ma fakailoa ki te kakai ma te kogāfenua kātoa te mea tēnei. Oi holo mai ai nā tino oi kikila ki te mea na tupu,

Maleko 5:14 Referans Kwoze

Luka 8:34

I te kitea atuga e nā tino nae kikilagia nā puaka te mea kua tupu, oi fētutuli ai ma fakailoa te mea tēnei ki te kakai ma te kogāfenua kātoa tēnā.

Mataio 8:33

Ko nā tino nae kikilagia nā puaka, kua fētutuli ki te kakai ma taku ki tagata te mea na tupu kinā taulelea nae ulufia e nā tēmoni.

Mataio 7:6

“Nahe fōkia nā mea kua uma te fakapaia ki nā kulī — auā ka fakahaga mai oi takati koutou. Nahe togia autou pēnina ki mua o nā puaka — auā ka holi ki lalo i o lātou vae.

Maleko 5:13

Oi fakataga ai ki lātou e ia. Oi olo ai ki fafo nā agaga kino mai te tamāloa ma ulu ki loto o nā puaka. Ko te lafu kātoa e tuha e luaafe fakatahi — kua fētutuli ifo ki lalo i te tafatō o te mauga ki loto o te vaitūloto, ma mālelemu uma ai.

Maleko 5:15

ma i te tau atuga o ki lātou ki a Iehu, na ki lātou kitea ai te tamāloa nae māhani oi ulufia e te tokalahi o tēmoni. E nofo mai kua fai ona kofu ma kua lelei tona māfaufau; oi na mātataku uma ai ki lātou.