Maleko 5:13 - Tokelauan New Testament

¹³ Oi fakataga ai ki lātou e ia. Oi olo ai ki fafo nā agaga kino mai te tamāloa ma ulu ki loto o nā puaka. Ko te lafu kātoa e tuha e luaafe fakatahi — kua fētutuli ifo ki lalo i te tafatō o te mauga ki loto o te vaitūloto, ma mālelemu uma ai.

Maleko 5:13 Referans Kwoze

Fakaaliga 20:7

Kāfai e uma te afe tauhaga, oi ka tatala loa lava ia Hātani mai tona falepuipui,

Fakaaliga 9:11

E i ei to lātou tupu e pule ki a te ki lātou, ko te agelu tēnā e pule i te lua e hēai he gataga o tona loloto. Ko tona igoa i te gagana Epelu ko Apatone; i te gagana Eleni ko te igoa tēnei ko Apolione (ko tona uiga “Te tino e Fakakinoagia”)

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Mataio 8:32

Kua lea atu ia Iehu, “Olo kehe loa.” Oi olo kehe ai nā tēmoni, kua ulu ki loto o nā puaka. Kua fētutuli ifo te lafu puaka ki lalo i te tafatō o te mauga ki loto o te vaitūloto, ma mālelemu uma ai.

Mataio 7:6

“Nahe fōkia nā mea kua uma te fakapaia ki nā kulī — auā ka fakahaga mai oi takati koutou. Nahe togia autou pēnina ki mua o nā puaka — auā ka holi ki lalo i o lātou vae.

Maleko 5:12

Oi fakatagi atu ai nā agaga kino ki a Iehu, kua lea vē atu ki ei, “Uga ko ki mātou ki nā puaka iēnā ma fakataga mai ki mātou ke ulu ki ei.”

Maleko 5:14

Ko nā tino nae kikilagia nā puaka, kua fētutuli ma fakailoa ki te kakai ma te kogāfenua kātoa te mea tēnei. Oi holo mai ai nā tino oi kikila ki te mea na tupu,