Maleko 4:38 - Tokelauan New Testament

³⁸ Ka ko Iehu nae moe i te mulivaka, e aluga i he aluga. Na fafagu loa ia Iehu e ona hoko ma lea vē atu ki ei, “Te Faiakoga, ko koe nei e hē popole ki a te ki tātou kua tāli mamate?”

Maleko 4:38 Referans Kwoze

1 Petelu 5:7

Ko te Atua e alofa ki a te koutou, tuku atu la ki a te ia nā mea uma e popole ai koutou.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Mataio 8:25

Oi olo ai te kau hoko oi fafagu ia Iehu ma lea vē atu ki ei, “Te Aliki, fakaola ko ki tātou auā ki tātou ka feoti!”

Luka 8:24

Oi olo ai te kau hoko oi fafagu ia Iehu ma lea vē atu ki ei, “E te tamana! Ko ki tātou ka feoti!” Kua nofo ake ki luga ia Iehu, oi fakatonu ai e ia te matagi ma nā galu; ma na toku ai loa te matagi ma toka ma te tai, ma kua tokihi te malino.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Ioane 4:6

E i kinā te vaikeli o Iakopo, oi na nofo ifo ai ia Iehu ki lalo i tafa o te vaikeli, kua vāivai i te malaga. I te taimi tēnā, pe kua ta te hefululua i te aoauli.

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Maleko 4:37

Nā lava e teki he matagi mālohi kua kikini, oi kua kāmata oi hopokia te vaka, ma agai atu ai lava ka tumu i te vai.

Maleko 4:39

Na tū ake loa ia Iehu ki luga, oi fakatonu vē atu te matagi, “Tokihi loa!” kua lea vē atu foki ki nā galu, “Totoka loa!” Oi toku ai loa te matagi ma toka te tai, ma kua tokihi te malino.