Maleko 3:23 - Tokelauan New Testament

²³ Oi kalaga atu ai ia Iehu ki nā faiakoga o te Tūlāfono ke ōake ki a te ia, oi tautala ai ki ei i nā talafakatuha: “E tuli vēhea ake ki fafo ia Hātani e Hātani?

Maleko 3:23 Referans Kwoze

Mataio 13:34

Na fakaaogā e Iehu nā talafakatuha ke fakailoa ai nā mea uma iēnei ki tagata: nae hē mafai ke lea ki a te ki lātou i he mea e aunoa ma te ia fakaaogāgia o he talafakatuha.

Maleko 4:2

Na fakaaogā e ia nā talafakatuha ke akoako atu ai ki lātou i nā mea e lahi. Kua lea vē atu ki a te ki lātou,

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Mataio 13:3

Na fakaaogā e ia nā talafakatuha ke fakailoa ai ki tagata te lahi o nā mea; kua lea vē atu, “Nae i ei he tino na fano oi lūlū ni fatu haito i tona fatoaga.

Maleko 3:24

Kāfai he mālō e fevaevaeaki ma tauai miha lava ki lātou, ko te mālō tēnā ka mālepelepe.

Maleko 4:11

Kua tali atu ia Iehu ki a te ki lātou, “Kua uma te fakailoa atu ki a te koutou te mealilo e uiga ki te Mālō o te Atua, kae ko iētahi tino, e iloa oioti e ki lātou nā mea uma e ala i nā talafakatuha

Maleko 12:1

Oi kāmata ai kua akoako atu e Iehu ia tagata i nā talafakatuha: “E i ei he tino na fano oi totō he tōvine e o ia. Kua ati fakatāmilo e ia he pa, ma keli he fātānoa ke tatau ai te vine, ma fau he fale ke leoleo ai te tōvine. Oi tuku ai e ia te tōvine ke lihi e ni nofolihi, kae fano i hana malaga ki hētahi atunuku.