Maleko 3:22 - Tokelauan New Testament

²² Ko iētahi faiakoga o te Tūlāfono na ōifo mai Ieluhalema kua lea vē, “Ko te tagata tēnei e ulufia e Pelehepulo. Ko te takitaki o tēmoni te ia fōkia ki ei te pule ke tuli ai ki fafo nā tēmoni.”

Maleko 3:22 Referans Kwoze

Mataio 15:1

Oi ōmai ai ni Falehaio ma ni faiakoga o te Tūlāfono mai i Ieluhalema ki a Iehu ma fehili vē atu ki ei,

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 12:24

I te lagonaga e nā Falehaio te mea tēnei, oi tali vē atu ai, “E tuli e ia nā tēmoni ki fafo auā e fōki ki ei e Pelehepulo, te takitaki o tēmoni, te pule ke ia mafaia ai.”

Mataio 9:34

Kae kua lea vē te kau Falehaio, “Ko te takitaki o tēmoni te ia fōkia ki a Iehu te pule ke tuli ai ki fafo nā tēmoni.”

Ioane 7:20

Kua tali mai nā tino i te kaifenua, “Ko koe e ulufia e he tēmoni. Ko ai te taumafai ke tāmate koe?”

Ioane 8:52

Kua lea atu ki lātou ki a te ia, “Kua ki mātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele.

Ioane 8:48

Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Luka 11:15

kae ko iētahi tino kua lea vē, “Ko Pelehepulo, te takitaki o tēmoni, te ia fōkia ki ei te pule ke tuli ai ki fafo nā tēmoni.”

Maleko 7:1

Ko iētahi o te kau Falehaio fakatahi ai ma ni faiakoga o te Tūlāfono na ōmamai mai Ieluhalema, kua fakapotopoto ki tafa o Iehu.

Mataio 11:18

I te hauga o Ioane, nae fakalāina ma hēki inu ki he uaina, kae kua lea vē nā tino, ‘E ulufia e he tēmoni!’

Ioane 10:22

Kua pa ki te taumālūlū, te taimi e fakamanatu ai i Ieluhalema te Fakapaiaga o te Mālumalu.

Luka 5:17

I tētahi aho nae akoako atu ai ia Iehu, kae nonofo ma fakalogologo mai ki ei ni Falehaio ma ni faiakoga o te Tūlāfono (na ōmamai i nā kakai uma o Kalilaia ma Iutea, vēnā ma Ieluhalema); ma nae ia te ia te mana o te Aliki ke fakamālōlō ai nā tauale.