Maleko 2:2 - Tokelauan New Testament

² Oi ōmamai ai nā tino e tokalahi ki ei, ma kua hē ofi i loto o te fale, ke pa lava ki fafo o te faitotoka. E folafola atu e Iehu te Tala Lelei ki a te ki lātou,

Maleko 2:2 Referans Kwoze

Maleko 2:13

Kua toe fano ia Iehu ki te matāfaga o te Vaitūloto ko Kalilaia. E tokalahi nā tino na ōmamai ki a te ia, oi akoako atu ai e ia ki lātou.

Maleko 1:45

Kae kua fano te tino kua kāmata tālaki valevale te tala. Ko te mea ia na hē mafai ai ia Iehu ke fano ki he kakai, ka kua fano oi nofo i nā mea e hēai ai ni tino. Kae e hēki uma ai te holo mai o tagata ki a te ia, mai nā pito fenua kehekehe.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Loma 10:8

Ko te mea e lea mai ai ko tēnei: “Ko te fekau a te Atua e i outou tafa, e i outou laugutu ma e i outou loto” — ko te fekau tēnā e uiga ki te fakatuatua e tālaki e ki mātou.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 14:25

I kinā, na tālaki ai e ki lāua te Tala Lelei i Pelekē, oi olo ai ki Ataleia,

Gāluega 11:19

Ko iētahi o nā tino kua talitonu na halalau ona ko nā fakahāuāga na pa ki ei i te tāmatega o Hetefano, na pa lele ki Foinike, Kupulona, ma Anitioka, ma na ki lātou tālakia te fekau ki tagata Iutaia oioti.

Gāluega 8:25

Kua uma te fai o te takutinoga ma te fakailoa atuga o te fekau a te Aliki e Petelu ma Ioane, oi toe foki ai ki lāua ki Ieluhalema. Na tālaki e ki lāua te Tala Lelei, ki nā tamā kakai e lahi o Hāmālia, i to lā auala ki Ieluhalema.

Luka 12:1

I te taimi tēnā, e faitau afe ia tagata kua fakapotopoto mai ma kua tumu lele kua fakatau tūfēke; oi lea vē muamua atu ai ia Iehu ki ona hoko, “Koutou ke fakaeteete i te mea fakafefete a te kau Falehaio — te fakagutugutulua o ki lātou.

Luka 8:11

“Ko tēnei te uiga o te talafakatuha: ko te fatu haito, ko te kupu a te Atua.

Luka 8:1

I he taimi mulimuli ake, oi fano ai ia Iehu kua kui atu i nā kakai ma nā nuku, oi tālaki atu te Tala Lelei e uiga ki te Mālō o te Atua. Na olo fakatahi ma ona hoko e toka hefululua,

Maleko 1:37

i te mauaga o ia e ki lātou, oi lea vē atu ai ki ei, “Ko koe nei e hakili e tagata.”

Maleko 1:33

Ko nā tino uma lele o te kakai kua laupae mai ki muāfale.

Maleko 1:14

Kua i te falepuipui ia Ioane, kae fanatu ia Iehu ki Kalilaia oi tālaki atu te Tala Lelei mai te Atua.

Mataio 5:2

Oi kāmata ai kua akoako atu e ia ki lātou:

Luka 5:17

I tētahi aho nae akoako atu ai ia Iehu, kae nonofo ma fakalogologo mai ki ei ni Falehaio ma ni faiakoga o te Tūlāfono (na ōmamai i nā kakai uma o Kalilaia ma Iutea, vēnā ma Ieluhalema); ma nae ia te ia te mana o te Aliki ke fakamālōlō ai nā tauale.

Maleko 6:34

Koi fanake ia Iehu ki gāuta mai te vaka, kae ia kitea atu te tokalahi o te kaifenua, oi na tumu ai tona loto i te alofa ki a te ki lātou, auā e vē ki lātou ni māmoe e hēai ho lātou leoleomāmoe. Na kāmata loa oi akoako atu e ia nā mea e lahi.

Maleko 2:1

Kua teka atu ni aho, oi toe foki ai ia Iehu ki Kapenaumi, kua halalau foki te tala ko Iehu kua i tona kāiga.