Maleko 2:17 - Tokelauan New Testament

¹⁷ Kua lagona atu e Iehu ki lātou oi tali vē atu ai, “Ko nā tino e mālōlō, e hē ki lātou manakomia he fomai, kae vaganā ai nā tino e tauaale. Ko au e hēki hau ke kalaga ki nā tino lelei, kae ki nā tino e inohia e tagata.”

Maleko 2:17 Referans Kwoze

Luka 15:7

E lea atu au ki a te koutou, ka vēnā foki oi hili atu te fiafia i te lagi ki he tino agahala e fokotahi e halamō, i lo kini tino e toka ivahefulu iva e manatu ko ki lātou e āmiotonu, ma e hēai he mea e tatau ai ke halamō.”

Luka 19:10

Ko te Ataliki o te Tagata na hau ke hakili, ma ke fakaola nā tino kua gagalo.”

Ioane 9:40

Ko iētahi o te kau Falehaio nae i kinā, na ki lātou lagona te tala tēnei a Iehu, oi fehili vē ai ki ei, “Ko ki mātou foki la e tāuaho?”

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Luka 15:29

Kae kua tali vē atu ki tona tamana, ‘Kikila ki nā tauhaga e lahi nae galue ai au mo koe e vē he pologa, ma e hēki i ei lele hau fakatonuga e fokotahi e hēki uhitaki au ki ei. Kae he ā nei ta aku na kua kē fōki maia? E hēai he mea. Kae ke fōki mai foki la he oti ke fai ai haku kaiga ma aku uō!

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Gāluega 26:20

Muamua i Tamaheko ma Ieluhalema ma vēnā i te fenua kātoa ko Iutea, ma i nā mea e nonofo ai ia tagata nukukehe, na folafola e au ko ki lātou e tatau ke halamō ia lātou agahala ma liliu ki te Atua, ma ke fakatino e ki lātou nā mea e fakailoa ai to lātou halamō moni.

Ioane 9:34

Kua tali atu ki lātou, “Ko koe na fānau ma tuputupu ake i te agahala — kae e hau koe oi akoako mai ki mātou?” Oi tuli kehe ai e ki lātou te tamāloa mai te hūnako.