Maleko 16:19 - Tokelauan New Testament

¹⁹ Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Maleko 16:19 Referans Kwoze

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Gāluega 2:33

Kua hikitia ake ia ki te itū taumatau o te Atua tona Tamana, ma kua tuku atu ki a te ia te Agaga Paia, e vē oi folafola e tona Tamana ki a te ia. Ko te mea la kua kikila ma fakalogo koutou ki ei nei, ko tana meaalofa tēnā kua liligi ifo ki o mātou luga.

Epelu 8:1

Ko te uiga moni o te mea e lea atu ai ki mātou, e i ei to tātou Ulu Ohitāulaga, e nofo i te itū taumatau o te nofoāliki o te Atua i te lagi.

Kolohe 3:1

Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Epelu 6:20

Kua muamua ia ma o tātou hui, ma kua kavea ma Ulu Ohitāulaga e fakavavau, i te puikāiga ohitāulaga a Melekiheteka.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Ioane 6:62

E vēhea nei la kāfai kua koutou kitea atu te Ataliki o te Tagata, kua toe fanake ki luga ki te mea nae i ei ai muamua?

Luka 9:51

Kua pili ki nā aho e hikitia ake ai ia Iehu ki te lagi, oi tonu ai i tona loto, ko ia ka fano ki Ieluhalema.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Ioane 21:15

Kua uma te lātou kakai, oi fehili atu ai ia Iehu ki a Petelu, “Himona te ataliki o Ioane, e hili nei tō alofa mai ki a te au i lo ki lātou iēnei?” Kua tali mai ia Petelu, “Io, te Aliki, e iloa lava e koe ko au e alofa atu ki a te koe.” Kua vāgana atu ia Iehu, “Tauhi aku punuamāmoe.”

Ioane 17:13

Kae nei, ko au ka fanatu ki a te koe, ma ko au e tautala i nā mea iēnei i te lalolagi, kae ke fakatumulia ai o lātou loto, i toku fiafia.

Ioane 16:28

Ko au na hau mai te Tamana ki te lalolagi; ma i te taimi nei, ka kō tukua te lalolagi kae fano ki te Tamana.”

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Maleko 16:20

Oi olo ai nā hoko oi tālaki atu te Tala Lelei ki nā itū uma o te lalolagi; nae gālulue fakatahi foki ki lātou ma te Aliki, ma na fakamāonia te moni o ta lātou tālakiga i nā vāvega nae ki lātou faia.] [

Luka 22:69

Kae e kāmata atu nei, ko te Ataliki o te Tagata ka nofo i te itū taumatau o te Atua Hilihilikehe te Mālohi.”