Maleko 16:1 - Tokelauan New Testament

¹ Kua teka te Hāpati, oi olo ai ia Malia te Makatala, ko Halome, ma Malia te mātua o Iakopo, oi fakatau mai nā mea manogi ke kave oi uku ai te tino o Iehu.

Maleko 16:1 Referans Kwoze

Luka 23:56

Oi toe foki ai ki te fale oi hāuni nā meamanogi ma nā lolo mo te tino o Iehu. Oi mālōlō ai ki lātou i te Hāpati, e vē ona fakatonu mai e te Tūlāfono a Mohe.

Maleko 15:40

Nae i ei nā fafine i kinā nae taukikila mamao atu. Nae i ei ai ia Malia te Makatala, ko Malia te mātua o Iakopo tamaiti ma Iohefa, ma Halome.

Ioane 19:31

Oi talohaga ai nā takitaki o Iutaia ki a Pilato ke fakataga ake ki lātou ke tagau nā vae o nā tino kua fakahātaulogia, ma ke tuku ifo ki lalo o lātou tino mai nā hātaulo. Na lea vēnā ki lātou ona ko he aho Falaile te aho tēnā, ma e hēki fofou ki lātou ke i ei pea nā tino oti i luga o nā hātaulo i te Hāpati, ona ko te Hāpati he aho e pito hili ona fakamamalu.

Ioane 19:25

Nae tutū tafapili ki te hātaulo o Iehu tona mātua, te uho o tona mātua, ma Malia te āvaga a Kolopa, vēnā ma Malia te Makatala.

Maleko 16:8

Oi olo ai ki fafo nā fafine, kua fētutuli kehe mai te tugamau auā kua maua ki lātou i te loto popole ma te atuatuvale. E hēki takua foki e ki lātou ki he tino, auā kua mātataku. [

Maleko 15:47

Ko Malia te Makatala ma Malia te mātua o Iohefa, nae kikila atu ki ei, oi na ki lā kiteagia te mea na teu ai te tino o Iehu.

Maleko 14:8

Kua fai e te fafine te mea e ia mafaia; kua fakauku fakato e ia toku tino mo te tanuga.

Maleko 14:3

Ko Iehu nae i Petania i te fale o Himona, he tamāloa nae maua i he tauale kino o te kili. E kai ia Iehu kae hau ki a te ia he fafine ma he fagu alapaha e tumu i nā lolo manogi taugatā pe ko te nato mamā. Kua tatake e te fafine te fagu oi liligi ai te lolo manogi ki te ulu o Iehu.

Luka 23:54

Ko te aho tēnei o Tāpenapenaga, ma kua tāli kāmata lele te Hāpati.

Maleko 15:42

Ko te afiafipō na taunuku ifo ai ia Iohefa, he tino e hau mai Alimatea. He tino o te Taupulega e fakaaloalogia lele e tagata, ma ko he tino foki nae fakatalitali ma tona amanaki ki te taimi e fakataunuku ai te pule a te Atua. I te aho tēnei o Tāpenapenaga (te aho e hohoko ki ei te Hāpati), na fano ai ia Iohefa ma te lototele ki a Pilato, ke tuku ake te tino o Iehu ke kave e ia.

Maleko 16:2

I te taeaopō o te aho Hā, kua hopo ake te la, oi olo ai ki te tugamau.

Luka 24:1

I te taeaopō o te aho Hā kua tafa mai ia ata, na olo ai nā fafine ki te tugamau, ma kave nā meamanogi na ki lātou hāunia.