Maleko 15:21 - Tokelauan New Testament

²¹ Kua tau atu ki lātou ki he tamāloa e igoa ki a Himona, nae agai mai ki te kakai mai nā nuku i tua, oi fakamālohia ai e nā fitafita ia Himona ke amo e ia te hātaulo o Iehu. (Ko Himona e hau mai Kulene, ko te tamana ia o Alehana ma Lufo.)

Maleko 15:21 Referans Kwoze

Luka 23:26

Kua takitaki kehe ia Iehu e nā fitafita, oi fetaui ai ma he tamāloa mai Kulene ko Himona tona igoa, e agai mai ki te kakai mai nā nuku i tua. Kua tāofi e ki lātou ia Himona ma tuku ki ona luga te hātaulo ke ia amoa, ma mulimuli i tua o Iehu.

Mataio 27:32

Ka koi ōatu ki lātou ki fafo o te kakai, kae fetaui ma he tamāloa mai Kulene, ko Himona tona igoa. Oi fakamālohia ai e nā fitafita ia Himona, ke amo e ia te hātaulo o Iehu.

Loma 16:13

E fakafeiloaki atu au ki a Lufo, te kaukauna uiga kehe tana galue mo te Aliki, ma ki tona mātua kua ia kavea au e vē lava he ataliki moni ki a te ia.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 11:20

Kae ko iētahi o ki lātou, ni tino mai Kupulona ma Kulene, na olo ki Anitioka ma folafola te fekau ki tagata nukukehe, ma e uiga ki te Tala Lelei ki te Aliki ko Iehu.

Gāluega 6:9

Kae nae teteke ki ei ni taulelea mai te hūnako o Tagata kua Fakahaolotogia (e vē oi fakaigoa ai), ma e aofia ai nā tino Iutaia mai Kulene ma Alehania. Ko ki lātou iēnei fakatahi ma iētahi tino Iutaia mai nā kogāfenua o Kilikia ma Ahia, kua kāmata oi fai fīnauga ma Hetefano.

Gāluega 2:10

mai Fulugia ma Pamefulia, mai Aikupito ma nā koga o Lipuē e pili ki Kulene; ko iētahi o ki mātou e ōmamai mai Loma,

Luka 14:27

Ko ai lava he tino e hē ia amoa tona hātaulo ma mulimuli mai ki a te au, e hē mafai ke kavea ia ma oku hoko.

Maleko 15:20

Kua uma te fai o a lātou mea fakatauemu ki a Iehu, oi toe ui kehe ai e ki lātou te kofu tatao lanu violē na ki lātou fakakofua ai, kae toe fakakofu lava i ona kofu. Oi takitaki ai e ki lātou ki fafo ke fakahātaulo.

Ioane 19:17

Kua takitaki e ki lātou ki fafo o te kakai e amo tona hātaulo, ma kua taunuku atu ki te koga e igoa ko te “Ulupoko.” (Ko “Kolokota” i te gagana Epelu.)

Mataio 5:41

Kāfai koe e fakamālohia e he fitafita a he vaegākau mai he tahi atunuku kua pukea tō fenua, ke amo tana taga mo he maila, oi amo mo he lua maila.