Maleko 13:34 - Tokelauan New Testament

³⁴ Ka fakatuhagia ki he tamāloa e tukua tona fale mo hana malaga, ma tuku ana mea ke kikila e ana kaukauna; ka kua uma ai te ia fakatonua ia gāluega tau tokatahi a ana kaukauna e fai, ma fakatonu te leoleo faitotoka ke taukikila fakalelei.

Maleko 13:34 Referans Kwoze

Ioane 10:3

E tatala ki a te ia te faitotoka e te leoleo faitotoka, ma e lagona e nā māmoe tona leo. E kalaga ki ana māmoe i o lātou igoa, ma e ia takitakia ki lātou ki fafo.

Kolohe 3:24

Ke manatua e koutou, ka fōki atu e te Aliki ke fai ma outou taui, te mea kua ia teuagia mo tana fānau. Auā ko Keliho, ko te Matai ia e kaukauna koutou ki ei.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

Mataio 16:19

Ka kō tuku atua ki a te koe nā kī o te Mālō o te lagi; ko nā mea e fakahā e koe i te lalolagi ka fakahā foki i te lagi, ko nā mea e fakataga e koe i te lalolagi ka fakataga foki i te lagi.”

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.

Kolohe 4:1

Koutou matai, ke tonu ma hako autou faiga e fai ki nā pologa a koutou. Ke koutou manatua, e i ei foki te koutou Matai i te lagi.

Loma 13:6

Ko te mea foki ia e totogi ai autou lāfoga, auā ko te mālō e galue mo te Atua kāfai e fakatino uma o lātou tiute.