Maleko 13:27 - Tokelauan New Testament

²⁷ Ka uga atu e ia nā agelu ke fakamāopoopo mai nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Maleko 13:27 Referans Kwoze

Mataio 24:31

Ka ili lahi te pu, ma uga atu ai e ia ana agelu, ma ka ki lātou fakamāopoopo maia nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

2 Tehalonia 2:1

E vē la ki te haele mai o to tātou Aliki ko Iehu Keliho ma te fakamāopoopoga o ki tātou ke fakatahi ma ia: ko au e fakatagi atu ki a te koutou te kau uho,

Luka 16:22

“Kua oti te tino mativa, oi kave ai e nā agelu ke nofo i tafa o Apelaamo, i te kaiga i te lagi. Kua oti foki te tamāloa maukoloa, oi tanu ai;

Maleko 13:20

Kae kua uma te fakaitiitia e te Aliki te nūmela o nā aho; anei ake e hēki ia faia te mea tēnei, e hēai he tino fokotahi e mafai ke ola. Kae ona ko te alofa o te Atua ki ona tagata kua uma te ia filifilia, kua fakaitiitia ai e ia te nūmela o nā aho iēnā.

Mataio 13:41

ka uga atu e te Ataliki o te Tagata ana agelu ke kave kehe mai i tona Mālō ki lātou uma e takitakia ia tagata ki te agahala, ma iētahi e faia te āmiokino,

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

Loma 8:33

Ko ai te ka ia mōlia ia tagata filifilia o te Atua? E hē mafai e he tino, auā ko te Atua lava ia te na ia fakaleleia to lātou va ma ia!

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Luka 18:7

Ka hē fehoahoani nei te Atua ki ona tagata e tatalo atu pea lava ki a te ia i te ao ma te pō, mo tana fehoahoani? E i na tuai nei oi fehoahoani te Atua ki a te ki lātou?

Maleko 13:22

Auā ka ōmamai nā Keliho pepelo ma nā pelofeta pepelo. Ka ki lātou faia ni vāvega ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 24:22

Kae kua uma te fakaitiitia e te Atua te nūmela o nā aho; anei ake e hēki ia faia te mea tēnei, e hēai he tino fokotahi na mafai ke ola. Kae ona ko te alofa o te Atua ki ona tagata kua uma te ia filifilia, ka fakaitiitia ai e ia te nūmela o nā aho.

Mataio 13:49

E vēnā foki lava te mea ka pa ki ei kāfai e uma te ōlaga nei: ka oatu nā agelu oi fili nā tino agahala mai nā tino āmiotonu

Mataio 12:42

I te Aho Fakamahino, ka tū mai te Tupu fafine o Heepa ma mōlia koutou ke fakahala, auā ko ia na malaga mamao mai tētahi itū o te lalolagi ke fakalogo ki te poto o te Tupu ko Holomona; ma e takutino atu e au ki a te koutou, kua i kinei he mea e hili atu te tāua i lo Holomona!

Maleko 13:28

“Ke kavea te mati ke maua ai he akoakoga mo koutou. E kāmata loa oi lanu meamata ma vavai nā lālā, ma kāmata oi tutupu ake ona lau, e iloa e koutou ko te tau māfanafana kua tāli pa mai.