Maleko 13:22 - Tokelauan New Testament

²² Auā ka ōmamai nā Keliho pepelo ma nā pelofeta pepelo. Ka ki lātou faia ni vāvega ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Maleko 13:22 Referans Kwoze

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Maleko 13:6

E tokalahi nā tino ka ōmamai i toku igoa ma lea vē, ‘Ko au ko te Mehia’ ma ka ki lātou fakahehēa te tokalahi o tagata.

1 Ioane 2:26

Ko au e tuhi atu vēnei ki a te koutou e uiga ki nā tino e taumafai ke fakahehē koutou.

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

1 Ioane 2:19

Ko nā tino iēnei na oatu mai ia te ki tātou, kae e hē ni tino e o ki tātou; anei ake ni tino e o ki tātou, e vēnei ake koi nonofo fakatahi ma ki tātou. Kae na olo kehe kae ke manino ai e hēai he tino o ki lātou e hau mai ia te ki tātou.

Ioane 4:48

Oi vāgana atu ai ki ei ia Iehu, “E hēai lele he tino o koutou e mafai ke talitonu, heiloga kua kikila muamua ki ni fakailoga ma ni mea ofoofogia.”

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Maleko 13:21

“Kāfai la he tino e lea atu ki a te koutou, ‘Kikila, tēnei te Keliho’ pe lea vē, ‘Kikila, tēnā te Keliho!’ — koutou nahe talitonu ki ei.

Maleko 13:23

Koutou la ke mataala! Kua fakailoa atu e au ki a te koutou nā mea uma ka ko hēki pa mai te taimi.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.