Maleko 11:9 - Tokelauan New Testament

⁹ Ko nā tino nae i mua, ma ki lātou nae mulimuli mai i tua, kua kāmata oi taufai kālalaga, “Ke vīkia te Atua! Ke fakamanuia e te Atua ki tē e hau i te igoa o te Aliki!

Maleko 11:9 Referans Kwoze

Mataio 21:9

Ko te kaifenua nae havavali i mua o Iehu, ma ki lātou nae mulimuli mai i ona tua, kua taufai kālalaga, “Ke vīkia te Ataliki o Tavita! Ke fakamanuia e te Atua ki tē e hau i te igoa o te Aliki. Ke vīkia te Atua!”

Mataio 23:39

Auā e lea atu au ki a te koe, e kāmata atu nei, ka hē toe kē kiteagia au, heiloga kua pa ki te taimi e lea vē ai koe, ‘Ke fakamanuia e te Atua tē e hau i te igoa o te Aliki’ ”

Ioane 19:15

Ka kua taukalalaga mai ki lātou, “Tāmate te tino tēnā! Tāmate te tino tēnā! Fakahātaulo te tino tēnā!” Kua fehili atu ia Pilato, “Ko koutou e fofou ke fakahātaulo e au te koutou tupu?” Kua tali mai nā ohitāulaga hili, “E fokotahi oioti lava to mātou tupu ko Kaihala.”

Ioane 12:13

Oi kave ai e ki lātou nā launiu ma oatu kua fakafetaui ki a te ia, ma taufai kālalaga vē, “Ke vīkia te Atua! Ke fakamanuia e te Atua ki tē e hau i te igoa o te Aliki! Ke fakamanuia e te Atua te Tupu o Ihalaelu!”

Maleko 11:8

Ma e tokalahi ia tagata kua fola o lātou peleue tatao ki luga o te auala, kae ko iētahi kua tatipi mai e ki lātou nā lālā mai nā lākau i nā fatoaga ma fola ki luga o te auala.