Maleko 11:18 - Tokelauan New Testament

¹⁸ I te lagonaga e nā ohitāulaga hili ma nā faiakoga o te Tūlāfono te mea tēnei, oi kāmata ai kua tau hakili e ki lātou he auala ke tāmate ai ia Iehu. Kua mātataku ki lātou ia Iehu, ona ko te kaifenua kua ofo uma lele ki ana akoakoga.

Maleko 11:18 Referans Kwoze

Mataio 7:28

I te umaga o te vāgana atu o Iehu i nā mea iēnei, na ofo lele te kaifenua ki te faiga o ana akoakoga.

Maleko 12:12

Na taumafai nā takitaki o Iutaia ke puke ia Iehu auā kua ki lātou hāfia, ko te talafakatuha tēnei na fai fakatatau ki a te ki lātou. Kae nae mātataku i te kaifenua, oi na tuku ai e ki lātou ia Iehu ka kua olo kehe.

Gāluega 24:25

Ka koi tautala ia Paulo e uiga ki te āmiotonu, te loto pūlea, ma te aho e fakamahino ai e te Atua ia tagata uma, ka ko Felika kua mataku ma lea vēia, “Fano loa nei oi kua toe fekau atu ai koe e au kāfai e maua hoku avanoa.”

Ioane 7:46

Kua tali mai nā leoleo, “E hēki i ei lele he tino na kua tautala e vē ko te tino tēnei!”

Luka 20:19

Na taumafai nā faiakoga o te Tūlāfono ma nā ohitāulaga hili, ke puke fakapagotā ia Iehu i te taimi lava tēnā, auā kua ki lātou hāfia ko te talafakatuha tēnei na fai fakatatau ki a te ki lātou; kae nae mātataku i nā tino.

Luka 19:47

Nae akoako atu e Iehu ia tagata i te Mālumalu, i nā aho takitahi uma. Na fofou lele nā ohitāulaga hili, nā faiakoga o te Tūlāfono ma nā takitaki o tagata Iutaia, ke tāmate ia Iehu,

Luka 4:22

Na fiafia lahi ki lātou uma, ma ofo lele ki te lelei o ana fakakupuga nae tautala ai. Kua vē ake te lātou kupu, “E hē ko ia tēnei te ataliki o Iohefa?”

Maleko 11:32

Kae kāfai ki tātou e lea, ‘E mai tagata…’ ” (Nae mātataku ki lātou i nā tino, auā e talitonu uma nā tino, ko Ioane ko he pelofeta moni lava.)

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Maleko 3:6

Oi olo ai te kau Falehaio ki fafo, kua taupulepule vave ma ni tino o te vāega e kau ki a Helota, ki he faiga ke tāmate ai ia Iehu.

Maleko 1:22

Na ofo lele ki lātou ki te faiga o ana akoakoga, ona e vē ko he tino kua ia te ia te pule, kae kua he vē ko nā faiakoga o te Tūlāfono.

Mataio 21:15

Kae i te kiteaga e te kau ohitāulaga hili ma nā faiakoga o te Tūlāfono, nā mea ofoofogia a Iehu kua fai, ma tamaiti e taukalalaga i loto o te Mālumalu, “Ke vīkia te Ataliki o Tavita,” oi lagona ai e ki lātou te ita.

Luka 2:47

Na tēteki lele nā tino uma na fakalogo ki fakamatalaga a Iehu, ona ko te poto o ana tali.

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Ioane 7:19

E hē ko Mohe nei te na ia tuku atua te Tūlāfono ki a te koutou? Kae e hēai lele he tino o koutou e uhitaki ki te Tūlāfono. He ā la te taumafai ai koutou ke tāmate au?”