Maleko 10:23 - Tokelauan New Testament

²³ Kua fakaholo atu te kikila a Iehu ki ona hoko oi vāgana atu ai ki ei, “Kai te faigatā lele mo nā tino maukoloa ke hao atu ki te Mālō o te Atua!”

Maleko 10:23 Referans Kwoze

1 Kolinito 1:26

Ko te mea ia oku uho, māfaufau pe nae ni tino vēhea koutou i te taimi na kalaga atu ai te Atua ki a te koutou. I te kikila fakatetagata, e hē tokalahi koutou nae popoto, e hē tokalahi nae i ni tūlaga maualuluga, ma nae hē tokalahi na tupuga mai i ni kāiga aliki.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Luka 18:24

Kua kitea atu e Iehu te fakanoanoa o te maukoloa, oi vē atu ai tana kupu, “Kai te faigatā lele mo nā tino maukoloa ke hao atu ki te Mālō o te Atua!

Maleko 3:5

Oi fakaholoholo atu ai tana kikila ki nā tino i tona loto tīgā, ka kua ia lagona foki te alofa ona ko te hehē ma te makaka o nā loto o ki lātou. Oi vāgana atu ai ki te tamāloa, “Fakahako atu tō lima.” Kua fakahako te lima o te tamāloa, oi toe lelei ai.

2 Petelu 1:11

ma ka ia te koutou te aiā kātoatoa ke ulufale ai ki te Mālō e fakavavau o to tātou Aliki ma to tātou Fakaola ko Iehu Keliho.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Maleko 10:15

E takutino atu e au ki a te koutou, ko ai lava e hē ia talia te Mālō te Atua e vē he tamaiti, ka hē hao atu lele ia ki ei.

Maleko 5:32

Ka kua taukikila lava ia Iehu pe ko ai te tino na paki ake ki a te ia.

Mataio 18:3

oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi.

Maleko 10:22

I te lagona atuga e te tamāloa te mea tēnei, oi faūū ai ona mata ma fano kehe ma te loto fakanoanoa, auā ko ia ko he tino maukoloa.