Maleko 1:45 - Tokelauan New Testament

⁴⁵ Kae kua fano te tino kua kāmata tālaki valevale te tala. Ko te mea ia na hē mafai ai ia Iehu ke fano ki he kakai, ka kua fano oi nofo i nā mea e hēai ai ni tino. Kae e hēki uma ai te holo mai o tagata ki a te ia, mai nā pito fenua kehekehe.

Maleko 1:45 Referans Kwoze

Maleko 2:13

Kua toe fano ia Iehu ki te matāfaga o te Vaitūloto ko Kalilaia. E tokalahi nā tino na ōmamai ki a te ia, oi akoako atu ai e ia ki lātou.

Mataio 9:31

Kae kua olo te toka lua kua fakahalalau ki itū uma o te kogāfenua tēnā, te tala ki a Iehu.

Ioane 6:2

E tokalahi te kaifenua kua mulimuli atu ki a te ia, ona na kitea e ki lātou nā fakailoga na ia faia na fakamālōlō ai nā tauale.

Maleko 3:7

Kua olo ia Iehu ma ona hoko ki tafa o te vaitūloto ko Kalilaia, ma mulimuli atu ai ki a te ia he kaifenua e tokalahi. Na ōmamai mai Kalilaia ma Iutea,

Mataio 28:15

Kua kave e nā fitafita te tupe, ma na ki lātou faia lava e vē oi fakatonu ai ki lātou. Ma ko tēnā te tala kua fakahalalau ki tagata Iutaia, ke pa mai lava ki te aho tēnei.

Tito 1:10

Auā e tokalahi nā tino, kae maihe lava ki lātou nae i te tāpuakiga faka-Iutaia, e teteke ma fakahehē ki iētahi tino, i nā kupu e hēai ni uiga e tautatala ai.

Mataio 9:26

Kua halalau foki ki itū uma o te kogāfenua tēnā, te tala ki te mea tēnei.

Maleko 3:20

Oi fano ai ia Iehu ki tona kāiga. Ka kua toe tumu atu foki ki ei te kaifenua e tokalahi kua hē maua ai he avanoa o ia ma ona hoko ke kakai ai.

Maleko 7:36

Oi fakatonu ai e Iehu ia tagata ke nahe ki lātou takua lele ki he tino te mea na tupu; kae na vē lava e lea atu ke fakaatili ai te ki lātou tālakia o te tala.