Maleko 1:32 - Tokelauan New Testament

³² I te afiafipō kua goto te la, na kaumai ai e ki lātou ki a Iehu nā tauale uma lele ma nā tino e ulufia e nā tēmoni.

Maleko 1:32 Referans Kwoze

Mataio 8:16

I te afiafipō o te aho lava tēnā, na kaumai ai e ki lātou ki a Iehu nā tino e tokalahi nae ulufia e nā tēmoni. Na tuli e Iehu nā agaga kino ki fafo i he kupu ma fakamālōlō ki lātou uma nae tauale.

Luka 4:40

I te gotoga o te la, ko ki lātou uma lele nae i ei ni o lātou tino nae maua i nā itūkāigā tauale kehekehe, kua ōmamai ma kaumai ki a Iehu: kua fakauta ona lima ki luga o ki lātou tau tokatahi, oi mālōlō ai ki lātou uma.

Maleko 3:2

Nae i kinā ai foki ma ni tino nae taumafai ke ki lātou mōliagia ia Iehu i hana holitūlāfono; oi nae tautuku lelei e ki lātou pe i nā fakamālōlōa e ia te tamāloa i te Hāpati.

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Maleko 1:21

Kua taunuku atu ki lātou ki Kapenaumi, ma i te Hāpati na hohoko ai, na fano ai ia Iehu ki te hūnako ma akoako atu ki tagata.

Mataio 8:17

Na fai e ia te mea tēnei ke taunuku ai te kupu a te pelofeta ko Ihaia e vē, “Ko ia lava na kave kehea o tātou tauale ma taukavea o tātou tīgā.”

Maleko 1:31

Oi hau ai ia Iehu kua tago ki te lima o te fafine ma fakatū ki luga. Kua fano kehe te fiva mai te fafine, oi fano ai oi laulau te lātou meakai.

Luka 4:41

Na olo foki ki fafo nā tēmoni mai nā tino e tokalahi, ma taukalalaga vēia, “Ko koe ko te Ataliki o te Atua!” Kae kua fakatonu atu e Iehu nā tēmoni ke nahe ki lātou tautatala, auā e iloa e nā tēmoni, ko Iehu ko te Mehia.