Luka 9:44 - Tokelauan New Testament

⁴⁴ “Fakalogo lelei mai ki te mea ka lea atu ai au ki a te koutou! Ko te Ataliki o te Tagata ka tukulima atu ki lalo o te pule a tagata.”

Luka 9:44 Referans Kwoze

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

Luka 9:22

Kua toe vāgana atu ia Iehu ki a te ki lātou, “Ko te Ataliki o te Tagata e tatau ke maua i nā puapuagā e lahi ma teteke ki ei ia toeaina, nā ohitāulaga hili, ma nā faiakoga o te Tūlāfono. Ka tuku atu ia ke tāmate, kae i tona tolu o aho, ka toe fakatū mai ai mai te oti.”

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

Luka 2:19

Ka ko Malia, kua teu uma e ia nā kupu iēnei i tona loto, ma māfaufau loloto ki ei.

Ioane 19:11

Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”

Ioane 16:4

Kae kua uma toku lea atu ki a te koutou i te mea tēnei. Kāfai la e pa ki te taimi e fai ai e ki lātou nā mea iēnei, ka manatua e koutou nā mea na lea atu ai au. “E hēki kō taku atua ki a te koutou nā mea iēnei i te kāmataga, auā nae fakatahi lava au ma koutou.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Luka 18:31

Oi tataki kehe ai e Iehu ona hoko, ma lea vē atu ki ei, “Kikila, ko ki tātou ka olo ki Ieluhalema, te mea ka fakataunuku ai nā mea uma lele na tūhia e te kau pelofeta e uiga ki te Ataliki o te Tagata.

Luka 2:51

Oi olo fakatahi ai ia Iehu ma ona mātua ki Nahaleta, ma nae uhitaki lele ki a te ki lāua. Na teu i te loto o tona mātua nā mea uma iēnei.

Luka 1:66

Ko nā tino uma lele na fakalogo ki nā mea iēnei, kua teu e ki lātou i o lātou loto, ma kua lea vēia “Ko te tamaiti nei tēnei e fai ma a, kāfai e matua?” Auā kua ki lātou iloa ko te mana o te Aliki e i te tamaiti.

Maleko 9:31

ona e fai ai nā akoakoga a ia ki ona hoko. Kua lea vē atu ki ona hoko, “Ko te Ataliki o te Tagata ka tukulima atu ki lalo o te pule a tagata, ma ka ki lātou tāmatea. Kae e teka nā aho e tolu, oi ka toe fakatū ai mai i te oti.”

Maleko 8:31

Oi kāmata ai oi akoako atu vēnei e Iehu ki ona hoko, “Ko te Ataliki o te Tagata e tatau ke maua i nā puapuagā e lahi ma teteke ki ei nā toeaina, nā ohitāulaga hili, ma nā faiakoga o te Tūlāfono. Ka ki lātou tuku atua ia ke tāmate, kae i tona tolu o aho, ka toe tū ia mai te oti.”

Mataio 26:2

“E vē ona koutou iloa, toe lua ia aho oi pa ki te Kaiga Fakamanatu o te Pāheka, ma ko te Ataliki o te Tagata ka tuku atu ke fakahātaulo.”

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Ioane 16:31

Kua tali atu ia Iehu ki a te ki lātou, “Kua talitonu la koutou i te taimi nei?